Wednesday , May 14 2025
Squid Game PH Elections 2022, Alfonso Cusi, Melvin Matibag, Bong Go, Rodrigo Duterte, Sara Duterte, Manny Pacquiao, Koko Pimentel

Ang ‘Squid Game’ ng mga politikong segurista

BULABUGIN
ni Jerry Yap

UMATRAS ang ‘tatay’ na si Pangulong Rodrigong Duterte na hinalinhan ni Senador Christopher Lawrence “Bong” Go bilang bise presidente, habang ang dating isinusulong na mag-presidente si Mayor Inday Sara ay naghain ng kandidatura bilang Mayor sa Davao City.

Habang si Senator Manny Pacquiao na binakbakan ng PDP Laban Cusi faction ay naghain ng kanyang certificate of candidacy (COC) bilang presidente sa ilalim ng Progressive Movement for the Devolution of Initiatives (PROMDI).

Agad ‘pinatalsik’ nina Cusi at Matibag si Pacquaio dahil malinaw umano na inabandona niya ang partido.

Pero sabi ni Senator Aquilino “Koko” Pimentel III, walang nilalabag si Pacquiao sa Konstitusyon ng PDP Laban.

Ani Sen. Koko, “the party’s national executive committee passed Resolution No. 12, effectively allowing Pacquiao to use PROMDI’s certificate of nomination and acceptance in filing his candidacy.

“Everything is normal and in order per our party constitution.”

Squid Game PH Elections 2022, Alfonso Cusi, Melvin Matibag, Bong Go, Rodrigo Duterte, Sara Duterte, Manny Pacquiao, Koko Pimentel

“[It is] so easy to explain. Cusi+Matibag do not know the facts,” diin ni Pimentel.

Tsk tsk tsk…hanggang ngayon, ang paksiyon ni Cusi sa PDP Laban ay walang pinatatakbong presidente.

Ang mabilis na pagpapatalsik kay Pacquiao ay tila nangangahulugang ang endorsement ng partido ay nakalaan lamang sa iisang tao — kung sino man ‘yun si Cusi at Matibag lang ang nakaaalam.

By the way, pinuna nga pala ni Senator Koko kung bakit pinayagan ng PDP Laban Cusi faction ang paghahain ng kandidatura ni Senator Bong Go bilang bise-presidente nang walang public and formal nomination mula sa kanilang grupo.

“They have filed a COC with Senator BG for VP without any formal and public nomination from their group. What is happening to their group?” tanong ni Pimentel.

“Don’t they coordinate at all? Don’t they observe any formalities at all? Are they a group of people who just change their minds in an instant and then that is already the group’s decision?” mariing tanong ng Senador.               

Pero bukod kay Senator Koko, naniniwala ang mga kritiko ng Duterte group na gaya lang ito ng taktikang ginamit nila noong nakaraang eleksiyon. Gagamitin pa rin nila ang taktikang “substitution.”

Ganoon din ang paniniwala ng kanilang supporters, alam na alam nilang panlalansi lang ang ginagawa ng Duterte group pero sa huli’y babalandra ang kanilang presidential bet.  

Para lang silang mga karakter sa kinahuhumalingang Netflix series na “Squid Games” na patuloy na manlalansi at maggugulangan upang sa huli’y magtagumpay.

Pero ang magiging pinakamalaking hangal at tunay na napasakay sa kanilang ‘squid game’ ay walang iba kundi ang sambayanang laging umaasa na mayroong isang pinunong magsasalba.

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

DOST 2 ISU-BIRDC

Driving Digital Transformation: DOST 2, ISU-BIRDC Strengthen SETUP MSMEs Through Digital Skills

THE Department of Science and Technology (DOST) Region 02, in collaboration with Isabela State University …

DOST Starbooks FEAT

DOST Region 1 Turns Over STARBOOKS to 5 Underserved Schools in Ceremonial Event

SUDIPEN, LA UNION – The Department of Science and Technology Region 1 (DOST Region 1), …

Alan Peter Cayetano

Oras ng pagboto, trabaho ng mga guro, kailangan ng agarang reporma — Cayetano

HINIKAYAT ni Senador Alan Peter Cayetano ang gobyerno nitong Lunes na magsagawa ng mga reporma …

Marikina Comelec

Kahit nanguna sa bilangan
MARCY TABLADO SA COMELEC
May DQ ka pa – en banc

TINABLA ng Commission on Elections (Comelec) en Banc ang proklamasyon ni Marcelino “Marcy” Teodoro bilang …

Comelec Pasig

Kasama ang 92-anyos kapatid at tumangging dumaan sa priority lane
101-ANYOS BOTANTE SA PASIG UMAKYAT SA 3/F PARA IBOTO MGA KANDIDATONG SINUSUPORTAHAN

KABILANG ang isang 101-anyos senior citizen sa mga pinakamaagang nagtungo sa San Miguel Elementary School, …