HATAW! D'yaryo ng Bayan hatawtabloid.com
UMATRAS na si Boxing Hall of Famer Oscar De La Hoya sa kanyang laban sa Setyembre 11 nang magpositibo siya sa Covid-19 test.
Si De La Hoya, 47, kinumpirma ang orihinal na report galing sa TMZ nung biyernes nang mag-post siya ng video sa social media mula sa kinaroroonang ospital bed.
Isinulat ni Golden Boy sa kanyang Twitter na fully vaccinated siya at nakatakdang harapin ang dating UFC champion Vitor Belfort nsa isang 8th-round bout (dalawang minuto kada round) sa main event ng Triller Fight club pay-per-view sa Staples Center sa Los Angeles.
“I mean, what are the chances of me getting COVID,” dismayadong sabi ni De La Hoya sa video. “I have been taking care of myself. This really, really kicked my ass.”
Ayon kay Triller’s Ryan Kavanaugh, naghahanap na sila ngayon ng kapalit ni De La Hoya na posibleng mapili si dating four-time heavyweight champion na 59-year-old na si Evander Holyfield.
Kailangan ng pagsang-ayon mula sa California State Athletic Commission kung papayagan si Evander na harapin ang 44-year-old Belfort. (1-0 in boxing, 26-14 sa MMA). Pero ayon na rin kay Kavanaugh, posibleng ilipat na lang ng state ang laban kung ganun ang mangyayari. Ang Florida ang pangunahing state na puwedeng paglipatan ng bakbakan.
Si De La Hoya (39-6, 30 KOs) ay nanalo ng maraming world titles sa limang weight divisions sa kanyang 16-year bilang pro. Kung kaya naging biggest draw ang Olympic gold medalist sa boksing.
Nagretiro siya laban nang matalo siya kay Manny Pacquiao noong 2008.
“I am currently in the hospital getting treatment and am confident I will be back in the ring before the year is up,” Isinulat ni De La Hoya sa Twitter. “God bless everyone and stay safe.”
Orihinal na makakarap ni Belfort si De La Hoya sa isang contracted weight na 185 pounds, lumaban siya sa mataas na level sa sa tatlong divisions mula middleweight hanggang heavyweight sa MMA. Ang native ng Brazil ay may isang panalo sa boxing match noong 2006 at huling lumaban sa MMA nang patulugin siya ni Lyoto Machida sa UFC 224 noong 2018.
