HATAW! D'yaryo ng Bayan hatawtabloid.com
KITANG-KITA KO
ni Danny Vibas
HINDI pala isang artista ang pangarap maidirehe ng pinakaabalang direktor ng Viva Films na si Darryl Yap kundi isang celebrity wife.
At ‘yon ay walang iba kundi si Jinkee Pacquiao, ang misis ng boxing champ at senador na si Manny Pacquiao.
Sa nakaraang digital press conference ng bagong pelikula ni Darryl na 69 + 1, sinabi niyang si Jinkee ang kanyang nais na makatrabaho.
Pagtatapat ng batang director: ”Ang mga gusto ko talagang makatrabaho, mga mayayaman talaga.
“Gusto ko sanang makatrabaho si Jinkee Pacquiao. Parang gusto kong paartehin si Jinkee Pacquiao, tapos magbibitaw siya ng mga Darryl Yap script. I wanna see that. Parang exciting,” ang hindi nagbibirong sabi ni Darryl.
Seryoso si Darryl na gawing artista si Jinkee at kung tatanggapin nito ang alok, sigurado nang may proyekto agad para sa kanya.
Samantala, alam n’yo bang si Aling Dionisia ang isa sa pinakahuling naging leading lady ng legendary Pinoy actor na si Eddie Garcia bago ito yumao?
‘Yon ay sa pelikulang Tatlong Bibe na idinirehe ni Joven Tan para sa isang kompanya na ang isa sa mga prodyuser ay si Edith Fider ng Saranggola Productions.
Mag-asawa ang papel nina Eddie at Mommy Dionisia sa pelikula na maaaring inililigid pa rin ng production company sa elementary schools dahil pambata ang pelikula.
At alam n’yo bang may mga malalaking kompanya na gustong bilhin ang Tatlong Bibe dahil nga isa ito sa mga huling pelikula na ginawa ni Eddie? Mas tumitindi pa nga ang interes ng mga gustong bumili ng pelikula dahil si Mommy Dionisia ang love interest ng yumaong dakilang aktor.
Kung mag-aartista ang bilyonaryang si Jinkee kahit sa ilang pelikula lang, posibleng matalbugan n’ya ang biyenan n’ya!
Sa ngayon ngang sa paggamit pa lang ni Jinkee ng signature outfits and accessories ay effortless na nagiging center of attraction siya, eh ‘di mas lalo pa ‘pag naging artista siya ng Viva at gagawan talaga siya ng publicity and promo plan, baka pati ang mister n’ya ay malaos sa kanya.
Hala na, Jinkee, patulan mo na ang mistulang alok ni Darryl Yap. Magiging ka-level ka na ni Sharon Cuneta at matatalbugan mo na sina Kris Aquino at Heart Evangelista!
