Sunday , April 14 2024
Jeric Raval, Barumbadings

Jeric nahirapan sa fight scenes habang naka-takong

FACT SHEET
ni Reggee Bonoan

POSITIBO si Direk Darryl Yap na tatanggapin nina Baron GeislerMark Anthony Fernandez, at Jeric Raval noong ialok niya ang pelikulang Barumbadings na gaganap sila bilang mga bading.

May plan B naman ang direktor dahil kung sakaling tumanggi si Jeric ay idadaan niya ito sa kaibigan at naging artista niyang si AJ Raval sa Paglaki Ko Gusto Kong Maging Pornstar na magkakaroon pa ng part 2; gayundin si Mark Anthony na close rin ni direk Darryl ang nanay na si Alma Moreno, si Baron naman ay isa sa bida niya sa pelikulang Tililing, at si Joel Torre naman ay siya na mismo ang nagsabing gusto niyang makatrabaho ang sumisikat na direktor ngayon ng Viva Films.

Dahil lalaking-lalaki at action star pa si Jeric, hindi siya nailang lalo’t unang beses niya itong gagawin sa harap ng kamera kaya natanong ito kung paano niya napaghandaan.

“Being an action star, medyo nahirapan po tayo ng kaunting mag-adjust kasi siyempre I made 48 movies na lahat po ‘yun, eh, pinagbidahan natin action.

“So pinaghandaan ko rito ‘yung galawan, paano kumilos ng malambot, paglalakad na naka-stiletto, lahat po kami nahirapan.

“At bago ko tanggapin ‘yan, siyempre being an actor hindi naman tayo puwedeng mamili so sabi ko first time kong gagawin ito sa rami ng nagawa ko kahit supporting role at ngayon lang ako nabigyan ng ganitong role kaya tinanggap ko para maiba naman at hindi naman ako nagkamali sa magandang opportunity at nagpapasalamat po ako kay direk Darryl dahil napili niya ako bilang isa sa Barumbandings,” kuwento ng tigasing action star.

Mukhang nabitin si Jeric sa pelikula dahil, “I’m looking forward to this movie, paanorin n’yo po ang ‘Barumbadings’ sana magkaroon ito ng part 2.”

Sinabi pa ni Jeric na nahirapan siya sa fight scenes nila sa Barumbading dahil naka-takong siya.

 “Napakahirap talagang mag-fight scene nang naka-stiletto at ‘yung takbuhan namin na naka-stiletto shoes,” pagtatapat nito.

Bago siya humarap sa camera ay talagang mega-practice siya sa loob ng hotel room niya sa paglalakad ng naka-stiletto na nakaharap sa salamin.

“Kapag nasa hotel room ako, ang ginagawa ko, nagpa-practice akong maglakad mag-isa para lang makapaglakad ako nang maganda. Una,  naaalibadbaran ako dahil ang suot ko bra tapos leggings. Tapos naisip ko na, ‘Irespeto pa kaya ako ng fans ko kapag nakita nila ako?’

Mapapanood na ang Barumbadings sa Vivamax sa November 5 produced ng Viva Films.

About Reggee Bonoan

Check Also

Regal Entertainment

Regal magiging aktibo muli 3 pelikula sunod-sunod na gagawin 

I-FLEXni Jun Nardo FULL blast ang Regal Entertainment ngayong 2024 dahil tatlong projects ang naka-line up nitong …

Vina Morales Ceana Sunny Heaven Peralejo

Vina hiwalay na nga ba sa non-showbiz BF? Co-parenting kay Cedric ok na

SHOWBIZ KONEKni Maricris Valdez Nicasio MABUTI naman at ayos na pala ang co-parenting nina Vina Morales at …

Sunshine Dizon Sunny

Sunshine napangatawanan pagiging retokada, Candy agaw-eksena sa Sunny

SHOWBIZ KONEKni Maricris Valdez Nicasio ALIW na aliw kami sa bagong handog na pelikula ng Viva …

Jose Javier Reyes FDCP

Direk Jose Javier kayanin kaya ang pressure sa FDCP?

REALITY BITESni Dominic Rea MAPANINDAGAN kaya ni Direk Jose Javier Reyes ang pagkakatalaga sa kanya ngayon bilang …

Bong Revilla Jr Andrea Brillantes

Sen. Bong isasama si Andrea sa MMFF movie na Alyas Pogi 4

NAGHAHANDA na si Sen. Ramon “Bong” Revilla Jr. para sa 2024 Metro Manila Film Festival. Ito ang naibahagi …