HATAW! D'yaryo ng Bayan hatawtabloid.com
HARD TALK!
ni Pilar Mateo
ISANG mukha na naman ng pagbibigay ng tulong ang ihinain ng former Mr. Gay World titlist, negosyante, social media influencer, at philanthropist na si Wilbert Tolentino.
‘Am sure, marami na ang naka-encounter sa isang viral online seller at nakikita sa sari-saring social media platforms na kinikilala bilang si Madam Inutz o Daisy Lopez sa tunay na buhay.
Ito ang pinakabagong binabahaginan ng tulong ni Wilbert. At bilang bagong manager na ni Madam Inutz, kontrata na walang kukuning komisyon si Wilbert ang ibinigay dito. Na sinaksihan ni Atty. Bertini Causing na nakasulat sa Filipino dahil na rin sa pagdiriwang ng Linggo ng Wika nang ito ay isagawa.
Dalawang taong ima-manage ni Wilbert si Madam Inutz. At sa loob ng panahong ‘yun, ie-endorse ni Madam Inutz ang lahat ng negosyo ni Wilbert.
Ganito rin ang ginawa noon ni Wilbert sa dati niyang kontrobersiyal na alagang si Mader Sitang.
Kabilang sa inilatag ni Wilbert sa mga plano niya para kay Madam Inutz ang paglabas ng single nito na isinulat ni Ryan Soto. And eventually, bubuo sila ng album ng nasabing viral online seller.
Gagawin din siya ng tinatagurian ngayong Kuya Wil II na Ambassador ng mga online seller.
Tutulungan nila ang mga gustong maging online seller at kung paano ito magkaroon ng brand at maging owner.Tumawag lang sa 09175inutil.
Puwede rin silang mag-email at mag-message sa dlinutil@gmail.com. Look for Wilbert Tolentino.
Nakakasayang maka-witness ng mga taong nagsisikap sa buhay na mapansin at matagpuan ng mga taong gaya ni Wilbert na may ginintuang puso!
