HATAW! D'yaryo ng Bayan hatawtabloid.com
KITANG-KITA KO
ni Danny Vibas
MATINDI talaga ang upbringing ni Derek Ramsay mula sa ina n’yang Pinay (na sa alaala namin ay isang morenang Ilokana) at ama n’yang British businessman.
Parang sinabihan siya ng mga magulang n’ya na ‘di tamang tapusin ng ganoon lang ang pakikipagkaibigan kay John Estrada. Bumilang na rin naman ng taon ang pagkakaibigan nila at may mga biyahe pa nga sila sa ibang bansa noon, kasama ang respective swethearts nila.
Sa harap ng mga magulang n’ya mismo, tinawagan ni Derek si John para sabihing handa siyang ipagpatuloy ang pagiging magkaibigan nila. Inamin n’ya kay John na isang maliit na misunderstanding lang ang naganap sa kanilang dalawa, bagama’t may kinalaman sa trabaho ni Ellen Adarna bilang leading lady ni John sa sitcom na Ellen en John na si John din ang line producer.
Tinanggap naman ni John ang pakikipagbati ni Derek sa kanya.
Lahad ni Derek sa PEP. Ph, entertainment website: ”Time will heal this. ‘Di ako ‘yung may galit pa. Kaibigan ko siya, eh.
“Alam mo na sa pamilya, mas magnified ang away ‘pag nag-away kayo sa pamilya.
“Para sa amin ni John, there were things that happened, but you will never hear me saying or give details because I respect him.
“’Yun na ang respeto ko sa kanya at sa friendship namin.”
Happily, karespe-respeto naman ang magkaibigan sa attitude nila sa isa’t isa.
