Diego nagka-Covid, nahawa kay Barbie

SHOWBIZ KONEK
ni Maricris Valdez Nicasio

INAMIN ni Diego Loyzaga na nagka-Covid din siya noon na nahawa sa girlfriend na si Barbie Imperial.

“I was there with her. Pareho po kaming nagkaroon kasi hindi namin alam noong time na ‘yon. I was taking care of her then nagpa-test siya, it came out positive so I got to test din.” Ito ang inamin ni Diego sa  face-to-face presscon ng TV series nila ni Cristine Reyes, ang Pinoy adaptation ng hit Korean drama na Encounter.

Ani Diego, wala siyang naramdamang symptoms nang tamaan ng COVID-19, pero kinailangan pa rin niyang mag-self-quarantine nang magpositibo sa virus. Makalipas ang dalawang linggo, nag-negative na siya mula sa isinagawang swab test.

“Mas malakas lang ‘yung resistance ko sa kanya kasi it didn’t last long sa akin. Wala kong naramdaman, I’m asymptomatic. Wala pang two weeks, I tested negative already. Parang it passed me lang. And Barbie was okay, she got better. Malakas  si Bie, she’s strong,” kuwento pa ng binata.

At ngayong medyo lumuluwag na ang sitwasyon, nagpaalala ang actor na kailangan pa ring mag-ingat dahil hindi biro ang Covid-19.

“Honestly, I’m speaking for myself, it wasn’t difficult like other people experiencing it around the world. ‘Yung pinagdaanan namin wasn’t so bad, thank God. 

“Pero the virus itself is not a joke kasi there’s people dying around the world because of it. Pero ‘yung sa aming dalawa, we were okay. Thank God,” giit pa ni Diego.

Napapanood pa rin sa TV5 ang Encounter at simula sa July 23, 2021, maaari na itong mapanood sa Vivamax. Mag-subscribe na sa Vivamax sa web.vivamax.net. Maaari ring mai-download ang app at mag-subscribe sa Google Play Store at App Store.