HATAW! D'yaryo ng Bayan hatawtabloid.com
BINIGYAN ng prestihiyosong parangal na ‘Diana Award’ ang dating pambato ng Ateneo Blue Eagles badminton player na si Nicole Nieto.
Muling ipinakita ng atletang Pinoy na hindi lang sila magaling sa sports, maaasahan din sila sa pagtulong sa kapwa lalo na sa panahon ng pandemya.
Hindi nagdalawang-isip si Nicole na tumulong sa gitna ng pag-atake ng coronavirus (COVID-19).
Kaya naman pinarangalan siya at tumanggap ng Diana Award mula kay Prince Harry, ang Duke of Sussex.
Si Nieto ay kapatid ng dalawang sikat na Matt at Nieto na miyembro ng National basketball team, naging abala siya sa pagbibigay ng Personal Protection Equipment, pagkain at mga gamot sa frontliners at ordinary citizens.
Pinarangalan si Nieto via virtual ceremony noong June 28.
“When the pandemic started and lockdowns were announced, my family and I knew how big a need there was to support our communities,” sabi ni Nieto. “We decided to utilize our network in order to bring as much help as we could to Cainta.”
Ipinangalan ang Diana Award kay Diana Spencer, ang Princess of Wales, na itinatag noong 1999 na pinamunuan ni former United Kingdom Prime Minister Gordon Brown at Spencer kasama sina Prince William Duke ng Cambridge at Prince Harry.
