HATAW! D'yaryo ng Bayan hatawtabloid.com
DAHIL isang presidente ang papel ni Gabby Concepcion sa First Yaya, natanong ito kung tatanggapin niya sakaling may mag-alok sa kanyang tumakbo sa isang puwesto sa gobyerno.
“Ang totoong sagot, mahirap! Mas mabuting huwag na kasi hindi ako makakapag-taping.
“So mas maganda kung huwag na lang muna and bata pa akong masyado.”
Walang ambisyon si Gabby na maging isang politiko.
Magtatapos na ngayong Biyernes ang First Yaya sa GMA at mas lalong kapana-panabik ang mga magaganap.
Successful noon ang Love You Two na si Jennylyn Mercado ang leading lady ni Gabby at mega-success din ngayon ang First Yaya nina Gabby at Sanya Lopez, ano ang sikreto ng actor na kahit kanino siya itambal ay patok na patok?
“Ang tingin ko lang, magagaling mag-match ‘yung mga [GMA] executive, ‘yung mga head, kung sino ‘yung mga bumubuo at namimili ng casting. I think sila ‘yung dapat bigyan ng credit.
“Kasi sila ‘yung nakaaalam, kasi kilala nila kami, kaya ‘pag pinagsama nila, alam nila kung magki-click o hindi so, palagay ko pinag-aaralan nila iyon,” sinabi ni Gabby na sa paningin ng marami ay lalong gumagwapo at bumabata ang itsura sa pagdaan ng mga taon.
“And kahit na sino pa ang mag-decide, nagpapasalamat kami, ako, nagpapasalamat ako,” dagdag pang pahayag ni Gabby.
“Wala naman talagang secret, ano lang siguro Beautederm lang at Aquabest lang, kapag gusto n’yo lang, try n’yo lang,” pagtukoy pa ni Gabby sa mga ineendoso niyang skinline at mineral water products.
Rommel Gonzales
