HATAW! D'yaryo ng Bayan hatawtabloid.com
MAGKUKUWARESMA na pero ang dami pa ring nagaganap sa Pinoy Showbiz, sa industriya mismo at sa personal na buhay ng mga idolo natin.
Si Sharon Cuneta, tuwang-tuwa sa bago n’yang ampon na Aspin. Kahit nasa Olongapo pa ang Aspin na pinangalanan n’yang Pawi o Pawiboy, inorderan na n’ya sa Europe ng Louie Vuitton dog collar. Gagawin nga n’ya kasing “prinsipe” ang Aspin na na ligaw sa syuting nila nina Marco Gumabao at Rossana Roces, ang Revirginized sa isang saradong beach resort sa Olongapo.
Napakaganda naman ng karma ng aso na ‘yon!
Pero apektadong-apektado si Sharon sa pagkaka-massive stroke ng close friend n’yang si Fanny Serrano na malamang na ospital magkukuwaresma. Ipanalangin po natin ang lubusang paggaling ni Tita Fanny.
Pinaglalaanan din ni Sharon ng panahon ang pag-iisip tungkol sa kinabukasan ng panganay n’yang anak na si KC Concepcion. Parang worried na worried siya na sa edad na 34 ay wala pang asawa at anak si KC.
Okey na lang nga raw sa kanya kung magkakaanak si KC by surrogacy. ‘Yung iba ang magbubuntis sa egg cell na magmumula kay KC at sa kung sino mang lalaki na mapupusuan n’yang maging sperm donor na pwedeng boyfriend n’ya o ‘di n’ya karelasyon.
Wala pang reaction si KC sa Instagram post na ‘yon ng kanyang ina bilang tugon sa comment ng isang netizen tungkol sa buhay ng mag-ina na bihirang magkita nang personal.
Okey lang kaya kay Sharon kung ang maging donor ng sperm cell kay KC ay ang rapper na si Apl. de Ap na paminsan-minsan ay napapabalitang latest boyfriend ni KC?
KITANG-KITA KO
ni Danny Vibas
