HATAW! D'yaryo ng Bayan hatawtabloid.com
NALILITO ang publiko kung ano talaga ang relasyon nina Derek Ramsay at Ellen Adarna dahil parating nasa bahay ng aktor ang aktres at nitong Araw ng mga Puso, Pebrero 14 ay kasama nito ang anak na si Elias.
Sabi ni Derek, magkaibigan lang sila ni Ellen pero hindi miaalis sa isipan ng lahat na baka may namumuong relasyon sa dalawa dahil nga bakit laging naroon ang aktres.
Ang Araw ng mga Puso ay ipinagdiriwang ng mga taong nagmamahalan kaya nga Valentine’s Day pero puwede rin naman ito para sa magkakaibigan kaya gusto naming isiping walang mapuntahan si Ellen dito sa Manila kaya lagi siya kina Derek. Sa Cebu kasi naka-base ang aktres kasama ang anak.
At kaya lang naman siya narito sa Maynila ay para sa taping ng sitcom nila ni John Estrada na John En Ellen sa TV5.
Anyway, si Derek mismo ang nag-post na kasama nilang pamilya si Ellen at Elias sa dinner sa kanyang IG story.
Naunang pumutok ang Derek at Ellen issue noong Enero na nagpunta rin sa bahay ng aktor ang aktres kasama ang aktor na si John na pareho nilang kaibigan.
Hanggang sa lagi nang nakikita si Ellen sa bahay ni Derek at magkasama rin sila sa Anilao, Batangas kasama ang ibang kaibigan nila.
Kaliwa’t kanan na ang mga espekulasyong baka mayroong something na ang dalawa at ayaw palang nilang umamin at ang worst ay may mga terminong ginamit na baka ‘tikiman’ lang sina Derek at Ellen.
Samantala sa isang panayam, inamin ni Derek na marami silang bagay na pinagkakasunduan ni Ellen, so baka rito nagsimulang kilalanin nila ang isa’t isa.
FACT SHEET
ni Reggee Bonoan
