HATAW! D'yaryo ng Bayan hatawtabloid.com
PATINDI nang patindi ang mga eksena at rebelasyon sa GMA Afternoon Prime series na Prima Donnas kaya naman hindi kataka-taka na lagi itong trending at patuloy ding namamayagpag sa ratings.
Sa katunayan, nitong Huwebes (February 4) ay nakakuha ang Prima Donnas ng overnight NUTAM People rating na 13.4%, ayon sa data ng Nielsen Phils.
Sa naturang episode kasi ay muling pina-DNA ni Jaime (Wendell Ramos) si Brianna (Elijah Alejo) matapos sabihin ni Lilian (Katrina Halili) na dalawa lang ang anak nina Jaime at Maita (Glaiza De Castro), sina Donna Belle (Althea Ablan) at Donna Lyn (Sofia Pablo). Ito ang dahilan kung bakit nabuking ni Jaime na isa palang pekeng Claveria si Brianna.
Bukod sa mataas na ratings, certified trending din ang nangyaring rebelasyon dahil sa loob lang ng ilang oras ay pumalo na ng mahigit 1 million views at number 4 trending topic sa YouTube ang eksena nina Jaime at Brianna.
Sigaw naman ng viewers at netizens na sana ay ma-extend o di kaya’y magkaroon ng book 2 ang serye.
Patuloy na tutukan ang mga kapana-panabik na eksena sa Prima Donnas, Lunes hanggang Biyernes, sa GMA-7.
(JOE BARRAMEDA)
