Mag-asawang call center agents todas sa pamamaril

PATAY ang mag-asawang call center agents nang pagbabarilin ng nag-iisang suspek sakay ng motorsiklo sa Brgy. Maharlika, Taguig City.

Kinilala ni Taguig City police chief P/Col. Celso Rodriguez ang mag-asawang biktima na sina Marcelo Tomas, 54, at ang asawa nitong si Zener Tomas, 41, ng Block 142 Lot 3 San Diego St., Brgy. Central Bicutan Taguig  City.

Base sa inisyal na ulat ng pulisya, humingi ng tulong sa Police Sub-Station si Esmael Sarip, barangay secretary ng Brgy. Maharlika.

Nangyari ang pamamaril sa mag-asawa sa San Diego St., Central Bicutan sa Taguig, dakong 1:10 pm sa Block 46, Lot 3, Brgy. Maharlika.

Walang kamalay-malay ang mag-asawa sa panganib na kanilang mararanasan nang biglang pinagbabaril ng hindi kilalang suspek.

Patuloy ang follow-up operation ng mga awtoridad sa posibleng motibo sa pagpaslang sa mag-asawa  at pagkakakilanlan ng suspek. (JAJA GARCIA)