HATAW! D'yaryo ng Bayan hatawtabloid.com
WALANG pangamba ang cast ng Magkaagaw nang nagbalik-taping sila last December sa Pampanga. Hindi naman sila nanibago after almost eight months silang natigil sa pagte-taping nang lumaganap ang Corona Virus dito sa Pilipinas.
Bago nag-taping proper ay nagkaroon ng refresher ang cast. Ang maganda ay sa loob ng 21 days, naka lock-in sila, walang uwian at focus lahat sa trabaho ng walang istorbo at aberya. Kaya madali sa kanila ang araw-araw na taping although may mga rest day sila.
Si Jeric ay kasama sa room si Polo Ravales at balita ko ay bugbog sila sa food na ipinadadala ng fiance ni Polo bukod sa pagiging gym instructor nila via online. Kaya sagana sila roon.
Samantala, ganoon din ang pagbabalik-taping ng cast ng Anak Ni Waray VS Anak ni Biday at excited sina Barbie Forteza at Kate Valdez nang mabalitaan nila ang resume ng taping. Siyempre, halos magka-edad sila kaya maganda ang naging bonding ng dalawa lalo na noong mag-lock-in.
Si Snooky naman ay may pangamba dahil nga sa pandemya although si Dina Bonnevie ay natuwa at makaliligtas na siya sa pagluluto sa bahay dahil nawalan sila ng kusinera. Kaya maganda rin ang experience nila sa lock-in taping.
Ang Magkaagaw at Anak Ni Waray VS Anak Ni Biday ay magbabalik ngayong Lunes, January 18 sa GMA.
COOL JOE!
ni Joe Barrameda
