Lalaki sa Olongapo natagpuang patay sa kanal

NATAGPUAN ang isang lalaking wala nang buhay sa isang kanal sa lungsod ng Olongapo, lalawigan ng Zambales, nitong Miyer­koles ng umaga, 6 Enero.

Kinilala ng mga awto­ridad ang bangkay na si Gener Ramos, 55 anyos, residente sa Brgy. Maba­yuan, sa naturang lungsod.

Nadiskubre ang katawan ni Ramos dakong 6:30 am sa isang kanal malapit sa outpost sa Barangay Gordon Heights.

Nabatid na paralisado ang kalahating katawan ni Ramos at nakatira sa nasabing outpost.

Pinaniniwalaang nada­pa at nahulog ang lalaki sa kanal na naging sanhi ng kanyang kamatayan.

Magkatuwang na inalis ng mga pulis at rescue team ng barangay ang katawan ni Ramos mula sa kanal.