Garcia bida sa Balinas-Pichay online chess

hataw tabloid January 4, 2021 Sports

NAGKAMPEON si International Master Jan Emmanuel Garcia ng Manila sa katatapos na Grandmaster (GM) and Attorney (Atty) Rosendo Carreon Balinas Jr. and Mayor Maria Carla Lopez Pichay online chess tournament nung Linggo, December 27, 2020.

Si Garcia na taglay ang lichess handle na IM Nyxnyxnyxnyxnyx ay nakakolekta ng 101 points sa 41 games para sa win rate 68 percent at performance rating 2679 para maghari sa event na sinaluhan ng 725 players worldwide.

Ang P75,000 total prize fund event ay presented ng Lichess Battle Arena, hosted nina US based frontliner Dr. Joe Balinas at Engr. Antonio “Uncle Paps” Balinas, parehong founding Honorary Chairman ng organizing Bayanihan Chess Club na suportado ng GM Rosendo Balinas and family sa pakikipagtulungan nina NCFP Chairman/President Deputy Speaker Prospero “Butch” Arreza Pichay Jr. at Mr. Fernan Donguines ng Hybreed Apparel Collections.

Ang online tournament ay may time control two minutes at parahimahan ng panalo ang mga kalahok na may two hours of play.

Nakuha naman ni Non-Master Ellan Asuela ng Bacolod City ang second place na may 94 points sa 39 games na may win rate 69 percent sa 26 wins na may performance rating 2773. Nasa third place si International Master Daniel Quizon ng Dasmarinas City na may 87 points.

Minalas naman sa nasabing torneyo ang mga bating na sina GM Rogelio “Joey” Antonio Jr. ng Quezon City na nasa 19th place, si GM Darwin Laylo ng Dasmarinas City na nasa 62nd place at ang defending champion na si GM Mark Paragua ay nasa 183th place.

Nung Sabado, December 26, 2020 ay nagbida si Gio Ventura na grade 8 pupil ng Dasmariñas Integrated High School sa kiddies category 13 under na may 81 points.

(M. BERNARDINO)