Fans, pwedeng makipag-interact sa virtual reality concert ni Alden

EXCITED na inabangan ng fans ni Alden Richards ang pagbubukas ng ticket sales para sa anniversary concert nito sa December 8, ang Alden’s Reality. At talaga namang special pala ang handog na ito ng Asia’s Multimedia Star sa kanyang fans dahil ito ang kauna-unahang virtual reality concert sa bansa.

Iba pa ito sa usual virtual o online concerts na ginagawa ngayon dahil sa element nitong virtual reality. Gamit ang teknolohiya ay magkakaroon ng chance ang mga manonood na makipag-interact kay Alden. At dahil online, kahit mga Kapuso abroad ay makaka-join sa panonood.

Available na ang ticket sa www.gmanetwork.com/synergy, at P999 ang presyo para sa general admission. Ang mga nasa Pilipinas, may special treat dahil pwede silang maka-avail ng special VIP package sa halagang Php 1,200. Kasama ng isang general admission ticket ang isang exclusive VR device na pwedeng magamit sa panonood ng concert ni Alden.

Si Paolo Valenciano ang director ng Alden’s Reality at ito ay produced ng Synergy: A GMA Collaboration. Para sa ibang detalye, bisitahin lang ang www.gmanetwork.com/synergy at i-follow ang https://www.facebook.com/GMASynergy.

COOL JOE!
ni Joe Barrameda