HATAW! D'yaryo ng Bayan hatawtabloid.com
INABANGAN at tinutukan ng netizens at Kapuso viewers ang premiere ng I Can See You: Love on the Balcony noong Lunes, September 28.
Bumuhos ang tweets na pinupuri ang chemistry nina Asia’s Multimedia Star Alden Richards at Jasmine Curtis-Smith bilang sina Iñigo at Lea. Kaya naman hindi kataka-taka na nag-top trending ang pilot episode nationwide.
Sey ng netizens, nakakikilig ang mga eksena at nakaka-good vibes ang rom-com na kuwento. Excited na rin sila para sa mga susunod pang episode kaya marami agad ang nag-aabang.
Samantala hindi nahirapan si Alden na makapalagayang loob si Jasmine sa I Can See You: Love On The Balcony. Malaking tulong na nakatrabaho na niya before ang aktres.
Dagdag ni Alden, kahit maraming health protocols na kailangang sundin sa set, naging magaan ang taping nila para sa serye dahil sa magandang samahan nila ng kanyang co-stars.
Bumuhos naman ang positive feedback mula sa viewers ng bagong drama anthology, ”That was a great first episode. Light lang pero established na yung character traits ni Lea and Iñigo.”
Napapanood ang I Can See You: Love On The Balcony, 9:15 p.m., pagkatapos ng Encantadia sa GMA Telebabad.
COOL JOE!
ni Joe Barrameda
