HATAW! D'yaryo ng Bayan hatawtabloid.com
HINDI nakapagtataka kung bakit ‘mapula ang hasang’ ng mga ilegalista sa Camarines Sur.
Mayroon daw kasing nagpapakilalang ‘sugo’ siya ng Criminal Investigation and Detection Group (CIDG) Camarines Sur at inatasang maging ‘kolektor.’
Ang tindi ng pakilala.
“Ako si Lorenzo, alyas Trouble, tubong Ragay CamSur. Mula ngayon sa akin na kayo maghahatag!”
Hak hak hak!
Ang tapang! Ang tapang ng apog, bwahahah!
By the way, ang kausap daw noon ni alyas Trouble ay mga buli-buli (illegal fishing) at troll.
Sabi raw nitong si Boy Trouble, lahat ng ilegal na pasugalan hawak niya. Tupada, mahjong, saklaan. Pati drugs umano siya ang dinaraanan.
Heto ngayon, si alyas Trouble ay hindi pala totoong lespu?!
Wattafak!
Lespu lang daw kung makatingin pero bogus ang tsapa na mukhang pinukpok na lata.
Ang lakas ng loob talaga at ang tapang ng apog. Kanino kaya siya nanghihiram ng mga ganyang katangian?!
E kaya naman pala hindi masawata ang illegal vices at illegal fishing dahil sa pekeng pulis na nagmamalaking hawak siya ng CIDG Bicol.
Tuwing malalasing umano, ipinagmamalaki na kolektor siya at maingay na iniyayabang na lahat ng ilegal pati paihi ng diesel sa Andaya Highway ay hawak niya.
Paldong-paldo si Boy Trouble!
Ayon sa isang impormante, mahilig daw tumambay sa sabungan at todo-balagbag ang boga sa wankata.
Walang kupas sa tapang ng apog!
PNP chief, Camilo Pancratius “Pikoy” Pascua Cascolan, baka maipangilak nga ng ‘pambaon’ ni Boy Trouble, pakusudsod nga po at paki-check lang ang hasang!
Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
BULABUGIN
ni Jerry Yap
