1,500 gadgets, ipamamahagi ni Sen. Bong

ANG saya ng tsikahan namin with Senator Bong Revilla kasama ang ilan sa kasamahan sa panulat after so long na inabot na nga tayo ng pandemic.

 

Alam naman ng lahat na isa si Senator Bong na naging biktima ng Covid- 19 at hindi siya nawalan ng pag-asa at nilabanan niya ito ng bonggang-bongga. Naranasan ni Sen Bong ang Covid at kaya may karapatan siyang mangaral tungkol sa pag-iwas dito ng mga tao. Kaya ingat na ingat pa rin siya na hindi mahawa muli base sa pinagdaanan niya.

 

Sa nalalapit niyang birthday ay wala siyang malaking selebrasyon gaya ng nakaugalian at magdiriwang lang siya kasama ang pamilya sa puntod ng kanyang mga magulang. Bilang kapalit ng kanyang pagdiriwang ay mamamahagi siya ng mga gadget para makatulong sa mga kabataang nangangailangan ng gadgets para sa kanilang pag-aaral.

 

Umaabot sa 1,500 gadgets ang nakahandang ipamahagi at puwede pang  madagdagan sa rami ng sumusuporta sa kanyang magandang kalooban.

 

More than a year pa lang siya nakakaupo bilang senador at nakagawa na siya ng 323 bills na lahat ay ongoing sa Senado at iba ay naging batas na. Hindi naman ito kataka-taka at ganito rin naman ang nagawa niya during his previous stint as a Senator. Kaya tuloy ang pagsisilbi ni Sen. Bong kahit may mga basher siya na nagkakalat pa noon na patay na siya sa panahong nagka-Covid 19 siya.

 

Tuloy din ang programa niya sa GMA na ayon sa mga GMA executive ay naghahanda na sila to resume ang taping.

COOL JOE!
ni Joe Barrameda