McCoy, lumipat na ng Viva

INIWAN na ni McCoy De Leon ang Star Magic dahil nasa Viva Artist Agency na siya.

Ito ang nakuha naming tsika nang may mag-inquire kay McCoy para sa isang online project pero sabi ng Star Magic handler niya ay sa Viva na makipag-coordinate dahil hindi na nila hawak ang aktor na nagpaalam na nitong Lunes ng gabi lang.

Nakilala si McCoy bilang miyembro ng Hashtag sa It’s Showtime at kabilang din siya sa Pinoy Big Brother: Lucky 7 kasama ang kapwa dancer na si Nikko Natividad sa 2 in 1 Celebrity Housemate.

Napasama si McCoy sa isa sa toprating show ng ABS-CBN na Be Careful with My Heart (2014-2016) na unang programa niya at nagkasunod-sunod na.

Sa pelikula ay nakasiyam na siya at nagmarka sa mga pelikulang Block Z, Sin Island, D’ Ninang, Ang Panday, at G!

Sa kasalukuyan ay kasama si McCoy sa FPJ’s Ang Probinsyano bilang kapatid ni Alyana (Yassi Pressman).

Habang isinusulat namin ang balitang ito ay wala pang anunsiyo ang Viva tungkol sa paglipat ni McCoy sa kanila.

FACT SHEET
ni Reggee Bonoan