HATAW! D'yaryo ng Bayan hatawtabloid.com
MATAGAL na kayang pinaghandaan ni Vice Ganda ang pagkakaroon ng sariling network na The Vice Ganda Network na mapapanood sa online dahil alam niyang malabong mabigyan ng bagong prangkisa ang ABS-CBN?
Hindi pa ito inaanunsiyo ng TV host pero nabuking ito dahil sa isang dancer ng Club Mwah na nangangalang Koko Artadi na screengrab nito ang usapan nila sa kanyang Facebook page nitong Hulyo 8.
Kinumusta ni Koko si Vice, ”Eto super busy na malapit na kasi launch ng digital network ko. TheViceGandaNetwork. Sa July 17 na.”
”Ha?!!! Ay bongga!!! Congrats teh marami kang matutulungan nyan yung mga taga ABS na nawalan ng work. I’m so proud of you teh congrats!!! Pwede ko ba ipost yan?”
Sagot ng TV host/comedian, ”Im so excited!!! Nakikiliti na naman ang utak ko. I’m taking the challenge of the new normal. And I’m so happy kasi I’m taking the lead.”
At sabi pa ni Koko, ”Miss nyo na ba sya? Well the long wait is over July 17 sabay-sabay natin salubungin at ipagbunyi ang pagbabalik ng Phenomenal Superstar ‘THE VICEGANDA NETWORK!’ oh my ghad excited much I’m so proud of you Jose Marie Borja Viceral.”
Pero hindi matutuloy ang launching ng The Vice Ganda Network sa Hulyo 17 dahil hindi pa plansado ang lahat base na rin sa aming source na nasa likod ng network ni Vice.
Mala-Showtime at Gandang Gabi Vice ang style ng The Vice Ganda Network at wala itong conflict sa ABS-CBN dahil sa online naman ito mapapanood.
“Ibang platform naman,” sabi pa ng kausap namin.
Ang TV host ang producer ng digital network niya at katuwang niya rito ang Viva dahil sila ang in-charge sa technical at marketing. Yes, ang kompanya ni Boss Vic del Rosario ang hahanap ng sponsors para sa network ni Vice.
Sa tanong namin bakit hindi taga-ABS ang kinuha ni Vice na gumawa ng digital network niya, eh, marami naman siyang kaibigan doon, ”Hindi ko alam, baka siguro hindi pa kaya or baka kasi busy sila sa problema nila, ayaw namang makisabay ni Vice. Kaya nga naurong ang launching, di ba?” saad pa.
Ang Oomph!TV na pag-aari rin ng Viva ang kapartner ni Vice sa The Vice Ganda Network.
Maraming puwedeng i-guest si Vice sa network niya kasama na ang mga kaibigang nawalan ng trabaho sa ABS-CBN at puwedeng Viva artists since taga-Viva rin naman talaga siya.
Ang Viva kasi ang namamahala ng movie career ni Vice at ABS-CBN naman sa mga show niya sa TV.
Teka, may kontrata pa ba si Vice sa ABS-CBN? Kasama rin ba siya sa ini-release o nagpa-release na siya?
FACT SHEET
ni Reggee Bonoan
