HATAW! D'yaryo ng Bayan hatawtabloid.com
NAGULAT kami sa revelation ni Empoy dahil sa ilang beses na naming nakatsikahan ang komedyante ay ni minsan ay walang inamin kung sino ang gusto niyang babae, pero pagdating kay Kris, hindi siya nakatangging hindi sabihin.
Ang tanong sa binata ay sino ang gusto niyang makasama ngayong ECQ o kahit hindi niya girlfriend, makasama o makakuwentuhan lang. Noong una ay marami pang pasakalye si Empoy, kesyo lola niya dahil name-miss na niya.
Pero makulit si Kris at hindi niya talaga tinigilan si Empoy, “ano po kasi, may asawa na, hindi na puwede. Si Kaye Abad po.”
Hayun, type pala ni Empoy si Kaye Abad, ha, ha, ha. In fairness naman kung kailan nag-asawa ang dating aktres ay at saka lalong gumanda.
Pero siyempre ayaw ni Kris ng isa lang dahil nga may sabit na si Kaye, “pumili ka ng iba, ‘yung wala namang asawa na.”
Nag-isip ang binata ang nangingiti, “si ano po, Erich.”
“Si Erich Gonzales, bakit?” balik-tanong ni Kris.
“Kasi po kamukha niya ‘yung crush ko noong high school,” sagot naman ni Empoy.
Kaso may boyfriend na ang aktres kaya hindi na naman puwede, pero sabi nga nila, hangga’t hindi pa asawa ay may pag-asa pa. Malay mo Empoy, napanood ito ni Erich, lalo’t magaling mag-matchmaker si Kris.
Mga tungkol naman sa girl stuff ang pinag-usapan nina Kris, Jaya, at K. As usual, may green joke ang huli pero hindi na-gets ni Tetay.
FACT SHEET
ni Reggee Bonoan
