HATAW! D'yaryo ng Bayan hatawtabloid.com
SIMULA Semana Santa ay napanood sa iWant nang libre ang maraming Pinoy classic films na tumatak
sa puso at isipan ng nakararami. At tuloy-tuloy ang pagpapalabas ng iWant sa magaganda at
makabuluhang pelikula tulad ng ABAKADA…INA. Sa pelikulang ito, patutunayan ng isang inang hindi nakapag-aral (Lorna Tolentino) na hindi naitutumbas sa anumang nasusulat o nababasa ang pagmamahal ng isang ina.
KISAPMATA. Kontrobersyal ang pelikulang ito ni Mike de Leon na itinuturing na “ahead of its time” dahil sa paksa at twists nito. Tungkol ito sa isang estriktong amang may madilim na sikreto.
HENERAL LUNA. Ito ang highest-grossing Filipino historical film of all time, tampok si John Arcilla bilang si General Antonio Luna, na ipinakita ang paglilingkod sa
bayan higit pa sa kanyang sarili.
MARKOVA: COMFORT GAY. Tampok sa biographical comedy-drama ang Comedy King na si Dolphy bilang ang huling nabubuhay na “comfort gay” mula sa panahon ng mga Hapon. Ibabahagi niya ang mapapait niyang karanasan kay Loren Legarda.
DEKADA ‘70. Sa Star Cinema classic na ito, kailangang tatagan ng mag-asawa (Vilma Santos at Christopher de Leon) ang kanilang loob para sa kanilang mga anak sa panahon ng Martial
Law.
TATLONG TAONG WALANG DIYOS. Ito ay set during the Japanese occupation, at pinagbibidahan nina Nora Aunor at Christopher de Leon.
BATANG PX. Tampok sa award-winning Jose Javier Reyes film na ito ang buhay ni Amboy (Patrick Garcia), isang binatilyong naghahanap ng pag-aruga ng
kanyang pamilya.
Balik-balikan ang sari-saring Filipino classic films sa iWant, na mayroong higit sa 1,000 pelikulang libre para sa lahat. Tunghayan ang mga kuwentong ito at iba pa
sa iWant app (iOs and Android) o sa iwant.ph.
Para sa updates, i-like www.facebook.com/iWant, sundan ang @iwant sa Twitter at @iwantofficial sa Instagram, at mag-subscribe sa www.youtube.com/iWantPH.
VONGGANG CHIKA!
ni Peter Ledesma
