Bangkay nakasilid sa sako, itinapon sa tapat ng bahay

NAKATALI pa ng kurtina ang kamay at isinilid sa sako nang matagpuan ang bangkay ng isang lalaki sa harap ng isang bahay sa Baseco Compound, Port Area, Maynila.

Sa pagsusuri ng pulisya, nakitaan din ng marka sa leeg na indikasyon na binigti ang biktima na inilarawang nasa edad 30 hanggang 35 anyos, may taas na 5’6 hanggang 5’11, nakasuot ng navy blue T-shirt at gray cargo shorts, may tattoo sa kanang braso na “only God knows  why” at sa kaliwang braso naman ay “Teresa” habang sa kanyang likod ay “Jhuliana.”

Sa ulat, natagpuan ang biktima sa harap ng isang bahay sa 098 Block 9 Extension New Site, Baseco Compound, Port Area ganap na 4:00 am.

Nakapatong umano ang sako sa isang kahoy na upuan na tinabunan ng kapote.

Patuloy ang pangangalap ng impormasyon ng pulisya para malaman kung sino ang nag-iwan sa bangkay ng biktima.