Marikina City, host sa 2020 Palarong Pambansa

NAPILI ng Department of Education (DepEd) ang lungsod ng Marikina bilang bagong host ng 2020 Palarong Pambansa matapos ang pag-atras ng orihinal na host na Occidental Mindoro.

Inianunsiyo ni Under­secretary at Palarong Pambansa secretary general Atty. Revsee Escobedo ang balita mula sa isang opisyal na sulat na inilabas nang sumu­nod na araw.

Nakapagpadala na ang DepEd ng team na mag-iinspeksiyon sa sports facilities ng “Shoe Capital of the Philip­pines” sa parehong araw.

Nakiusap na rin sila sa lungsod na magbigay ng listahan ng iba pang posibleng pagdarausan ng Palaro.

Ayon sa mga ulat, napilitang umatras sa pagho-host ang Occi­dental Mindoro dahil sa bagyong Tisoy na suma­lanta sa lalawigan nitong unang bahagi ng buwan ng Disyembre.

Ikaapat ang Marikina sa mga siyudad sa NCR na magho-host ng Pala­rong Pambansa matapos ang Manila, Quezon City at Pasig.

(EDWIN MORENO)