P30.5-M donasyon at TF ni Isko personal na iniabot sa PGH

MISMONG si Manila Mayor Francisco “Isko Moreno” Doma­goso ang nagkaloob sa Philip­pine General Hospital (PGH) ng milyon-milyong donasyon kabilang ang kanyang talent fee sa kanyang pagmomodelo sa JAG Jeans.

Umabot sa hala­gang P30.5 milyong donasyon kabilang ang kanyang P1 milyong talent fee mula sa isang kilalang brand ng damit, ang pormal niyang ipinagkaloob sa tang­gapan ni PGH Director Gerardo Legaspi.

Kabilang sa nasa­bing halaga ang kinita sa ginanap na fund raising program na “Yorme Kois Golf Cup” kamakailan na kumita ng kabuuang P24.5 milyon, P1 milyon na Jag Jeans talent fee ni Mayor Isko, P1 milyon mula sa kompanyang Jag Jeans, P1 milyon mula sa Kenny Roger’s, P1 milyon mula sa Seattle’s Best, at P2 milyon mula sa sister company ng Jag Jeans.

Sinabi ni Legaspi, gagamitin ang nasabing halaga sa mga batang may sakit na cancer  na ngayon ay nasa panga­ngalaga ng Cancer Ward for Children gayondin sa mga pasyente sa Pedia Section na isa­sailalim sa liver trans­plant ng PGH.

Paalala ni Moreno sa mga batang may cancer sa PGH, huwag mag-alala at mawalan ng pag-asa  dahil mara­ming nagmamahal sa kanila at tutu­long para sa kani­lang panga­ngai­langan sa pagpa­paga­mot.