Tanim na marijuana nabuking ng mga parak sa Mindoro

NABISTO ng mga pulis ang ilang tanim na marijuana na nakatago sa makakapal na halaman sa bayan ng Bansud, lalawigan ng Oriental Mindoro, kahapon, 20 Oktubre.

Ayon kay P/Lt. Col. Socrates Faltado, information officer ng Mimaropa police, nagsa­gawa ang mga pulis ng Bansud at Oriental Mindoro ng anti-illegal drugs operation sa Sitio Piit, Bgy. Bato, nang makatanggap ng impor­ma­syon nitong Sabado, 19 Oktubre, na may nag­paparami umano ng marijuana sa naturang barangay.

Nakuha ng pulisya ang tatlong halaman ng hinihinalang Cannabis sativa o marijuana dakong 1:30 am nitong Linggo.

Ayon sa mga impormante, makikitang pagala-gala ang isang kilalang user ng ‘damo’ tuwing madaling araw at dapithapon.

Kasalukuyan nang pinaghahanap ng pulisya ang sinasabing marijuana user na pinaghihi­nalaang siyang nagtanim at nagpaparami ng nabanggit na halaman.