Rayver, nag- propose na nga ba kay Janine?

NAGBAKASYON sa Paris kamakailan sina Rayver Cruz at Janine Gutierrez kaya may kumalat na balitang nag-propose na ang aktor sa aktres.

Kaagad namang itinanggi ito ng taong malapit kay Rayver dahil malayong mangyari kasi naman pareho pang career ang prioridad ng dalawa.

Bukod dito, hindi pa financially stable si Rayver dahil alam naman ng lahat na siya ang breadwinner ng pamilya at dumaan siya sa malaking gastusan nang ma-ospital hanggang sa nawala ang kanyang mommy.

Sa madaling sabi, ngayon palang nagsisimulang mag-ipon ang aktor.

Puwedeng stable na si Janine dahil nagso-solo na siya pero mukhang hindi pa rin nito iniisip ang pag-aasawa dahil marami pa siyang gustong marating in terms of her career.

At higit sa lahat, strike when the iron is hot ang drama ni Rayver dahil pagkatapos pala ng seryeng Hanggang sa Dulo ng Buhay Ko ay may kasunod kaagad siyang teleserye sa 2020, bukod pa sa hosting job niya sa The Clash.

FACT SHEET
ni Reggee Bonoan