HATAW! D'yaryo ng Bayan hatawtabloid.com
AMINADO si Michael de Mesa na masaya siya sa itinatakbo ng kanyang career kahit hindi siya madalas magbida, mapa-pelikula man o telebisyon.
Sa presscon ng pinagbibidahan niyang pelikula, ang Marineros na mapapanood na sa Setyembre 20 handog ng Golden Tiger Films at Premier-Dreams Productions Inc., sinabi ni Michael na hindi na niya matandaan kung kailan siya nagbida. “But it’s always been like a major supporting role na minsan matatawag mong lead/support, pero ‘yung lead talaga, I can’t remember,” paliwanag ni Michael na gumanap na isang seaman sa pelikula na nagkaroon ng aksidente na naging sanhi ng pagkawala ng kanyang paningin.
Ani Michael, hindi siya namimili ng role, mapa-supporting man o bida.
“I did not limit myself also to certain characters. I became very, very open sa lahat. Kung anuman ‘yung dumating sa akin at alam kong kaya ko, gagawin ko. Kaya rin siguro napagkakatiwalaan ako na bigyan ng iba-ibang role kasi nagagampanan ko rin naman,” sambit pa ni Michael.
Inamin pa ni Michael na hindi naman niya pinangarap na maging sikat, tanging gusto lamang niya ay maging actor at umarte.
“I’ve never really dreamt of being a star,” sambit pa ng actor.
Kasama rin sa Marineros sina Ahron Villena, Jon Lucas, Alvin Nakasi, Clair Ruiz, Jef Gaitan, Paul Hernandez at iba pa at idinirehe ni Anthony Hernandez, ang tinaguriang advocacy director.
SHOWBIZ KONEK
ni Maricris Valdez Nicasio
