NBP records official itinumba sa parking

PINAGBABARIL hanggang mapatay ang isang opisyal ng New Bilibid Prison (NBP) sa pananambang ng hindi kilalang suspek lulan ng motorsiko habang binubuksan ang gate ng parking area kahapon ng hapon sa Muntinlupa City.

Kinilala ng pulisya ang biktima na si Ruferto Traya, 53, assistant chief ng NBP Documents Section at nakatira sa Type B, NBP reservation Compound, Brgy. Pobla­cion, Muntinlupa.

Namatay noon din ang biktima dulot ng isang tama ng bala sa ulo at dalawa sa kanyang katawan.

Dakong 1:40 pm nang maganap ang insidente sa Amparo St., Brgy. Pobla­cion, sa naturang lungsod.

Ayon sa inisyal na imbestigasyon ng puli­sya, binubuksan ni Traya ang gate ng parking area para ilabas ang kan­yang sasakyan nang biglang huminto ang isang motor­siklo at agad binaril ang biktima sa ulo.

Habang nakahan­dusay, binaril pa nang dala­wang beses sa kata­wan ang biktima saka mabilis na tumakas ang suspek kasama ang alalay niyang nakamotorsiklo na nagsilbing back-up mata­pos isagawa ang pama­maril.

Patuloy ang isinasa­gawang imbestigasyon ng pulisya  at inaalam ang motibo ng pagpaslang sa biktima.

ni MANNY ALCALA