Baseco sinuyod ng MMDA para linisin sa obstruction

MAAGANG nagsimula ang mga tauhan ng MMDA ng  kanilang clearing operations sa Baseco sa Port Area, Maynila, kahapon.

Ilan sa mga kinompiska at inalis na sagabal ang mga kariton, bakal, bakod, trapal at kahoy na pinagsisilungan o taguan ng mga personal na bagay.

Hindi rin pinalagpas ang mga kariton ng sorbetes, bisikleta at pedicabs na isinampa o hinila ng towing trucks.

Ayon kay MMDA Task Force commander Memel Roxas, layon nila na malinis sa lahat ng uri ng mga sagabal para mapaluwag ang daloy ng trapiko at madaanan ng mga tao ang bangketa.

Tatlong barangay sa Baseco ang tinarget ng MMDA na linisin kahapon.

Hindi na pumapalag ang mga may-ari ng mga kinokompiskang gamit dahil may kasamang mga pulis-Maynila ang nagsasagawa ng clearing operations.