Sa utos ni Mayor Isko: Baseco sinuyod 3 patay sa ‘SONA’

PATAY ang tatlo katao habang 1,000 kalalakihan ang pinigil nang ipatupad ang Simultaneous Anti-Criminality Law Enforcement Operation (SACLEO) ng pinagsanib na puwersa ng Philippine National Police (PNP), Manila Police District at CIDG, sa Baseco Compound, Port Area, Maynila, kahapon ng hapon, 11 Agosto. 

Isinagawa ang pagsalakay sa naturang lugar dakong 2:00 pm ma ikinabulaga ang mga residente.

Isinagawa ang ope­rasyon nilang tugon sa kautusan ni Manila Mayor Francisco “Isko Moreno” Domagoso na linisin ang Baseco laban sa kriminalidad at droga.

Pinangunahan ni P/Col. Antonio Yarra, deputy director ng MPD ang naturang opera­syon.

Isasailalim sa beripi­kasyon ang lahat ng kala­lakihan na inaresto at binitbit sa basketball court.

Ang mga kalalakihan na may records, warrant of arrest at sangkot sa droga, ihihiwalay habang pauuwiin ang mga wa­lang kaso.

Habang isinusulat ang balitang ito, patuloy pa rin ang operasyon.

Inaalam ng pulisya ang pagkakilanlan ng tatlong napaslang mata­pos manlaban sa mga pulis.

HATAW News Team