HATAW! D'yaryo ng Bayan hatawtabloid.com
MATAPOS mabalitang gagawa na si Kris Aquino ng pelikula sa Quantum Films para sa 2019 Metro Manila Film Festival kasama si Derek Ramsay, si Empoy naman ang susunod niyang makakatrabaho.
Ayon sa isang malapit kay Kris, isang proyekto ang pagsasamahan nina Kris at Empoy. Ibinahagi rin naman ni Kris sa kanyang Instagram ito kahapon. Aniya, “Simplified my kaartehan (does that make sense?) i had brow rejuvenation but just fill in my kilay with my @krislifekit Happy Taupe, i have natural volume lashes from @newlounge.ph because i start shooting (K)Ampon in a couple of weeks. Pero today, working for @unileverphilippines with @empoy.
At dahil natuwa si Kris kay Empoy, nakaisip na siya kaagad ng storyline para sa kanilang dalawa.
Aniya, ”Watched Kita-Kita again on @netflixph last night and actually wrote a storyline for us w/c i’ll show @jeffvadillo & @visionerickson later.
Sa pagsasamang ito nina Kris at Empoy, tiyak na mabubuhay ang tambalang Kris at Rene Requiestas na tinangkilik at nag-click sa pelikulang Pido Dida: Sabay Tayo taong 1990 mula Regal Films at idinirehe ni Tony Cruz. Na nasundan pa ng Pido Dida 2: (Kasal Na!) taong 1991.
Marami ang nagsasabing hawig sina Empoy at Rene tanggalin lang ang ngipin ng huli, ha ha ha.
Tuwang-tuwa si Kris kay Empoy kaya naman pinanood pa nito ang pelikulang Kita-Kita.
Nagandahan si Kris, kuwento ng aming kausap, sa Kita Kita dahil sa tema nitong kindness.
Kaya after this first project from Unilever, hintayin natin ang pagsasama naman nila sa pelikula.
SHOWBIZ KONEK
ni Maricris Valdez Nicasio
