HATAW! D'yaryo ng Bayan hatawtabloid.com
HINDI pa raw tapos ang rehabilitasyon na ginagawa sa Boracay kaya hindi nakapagtatakang lumutang ito sa baha.
‘Yan ang rason ng mga hindi apektadong ‘spectator’ sa naganap na pagbaha sa isla ng Boracay sa kasagsagan ng bagyong Falcon.
Pero sabi ng mga apektadong residente sa Barangay Balabag, ang pagbaha sa kanilang lugar na hindi nila nararanasan noong hindi pa sumasailalim sa rehabilitasyon ang Boracay ay isang bangungot na hindi nila kailanman naisip na mararanasan nila sa isang lugar na itinuturing na paraiso ng mga dayuhan.
Kung ating matatandaan, ang Boracay ay pansamantalang ipinasara ni Pangulong Rodrigo Duterte noong 26 Abril – 25 Oktubre 2018.
‘Yan ay upang bigyang-daan umano ang rehabilitasyon dahil sa lumalalng suliranin sa kapaligiran gaya ng pagbaho ng karagatan at pagdami ng lumot dahil ginagawa itong isang malaking tapunan ng waste water mula sa mga septic tank.
Kanya-kanyag diskarte rin sila ng sewerage kaya umano dumudumi ang dagat.
Fast forward, after 9 months mula nang iutos ng Pangulo na muling buksan ang Boracay, hindi miminsang dumanas ng baha ang mga residente at bakasyonista sa nasabing isla na ang pinakahuli nga ‘e nitong 19 Hunyo.
Halos hindi madaanan ng mga residente ang kalsada sa Barangay Balabag dahil umabot hanggang baywang ang baha.
Hindi lang Barangay Balabag maging ang
Barangay Yapak ay hindi rin mayapakan dahil hindi na makitan ang kalsada.
Ayon mismo ‘yan kay Catherine Fulgencio, municipal disaster risk reduction officer ng Malay, Aklan na katatagpuan sa Boracay.
Mantakin naman ninyo, umabot sa tatlong talampakan sa ibang area at mismong ang sikat na
D’Mall commercial complex ay pinasok din ng mataas na baha.
Arayku!
Kaya hayan, naghahanda raw ng evacuation para sa mga residente sa Sitio Bulabog sa Barangay Balabag biglang paghahanda sa patuloy na pag-ulan, ani Fulgencio.
Sa mga nagba-bash umano hinggil sa insidente ng pagbaha sa Boracay dapat umano nilang maintindihan na hindi pa tapos ang rehabilistasyon ng isla.
Kabilang dito ang main road, drainage, and sewerage systems na hindi matapos-tapos at iba pang mga proyekto na matatapos umano sa 2021.
Pansamantala, puwede bang palanguyin muna riyan ang mga awtoridad na nagsasabing normal lang ‘yang pagbaha sa Boracay dahil hindi pa natatapos ang rehabilitasyon?!
DPWH Secretary Mark Villar, Sir, and Tourism Secretary Berna Puyat, Madam, subukan kaya ninyong maglakad diyan sa Boracay na bumubuhos ang ulan at unti-unting tumataas ang tubig hanggang abutin ang inyong mga singit?!
Kayanin n’yo pa kayang sabihin ‘yang mga alibi ninyo?!
Sige nga?!
HINDI NAGTATAGO,
HINDI KURIPOT AT HINDI
PAASA SI PASAY CITY
KONSI DONNA VENDIVEL
BILIB tayo kay Pasay City Konsehal Donna Vendivel.
Ang mga lumalapit sa kanyang mga constituent ay hindi kailangan umasa at magmukhang timawa dahil hindi siya politikong paasa.
Hindi gaya ng isang mataas na opisyal diyan sa Pasay na parang orocan sa kaplastikan.
Napakainam sa harapan pero kapag nakatalikod na, nakupo, umaarangkada ang katotohanan.
Lahat ng ipinangako noong nakaraang eleksiyon ay parang ‘tracing paper’ ng isang arkitekto — isang malaking drawing!
Malayong-malayo kay Konsehal Donna Vendivel na kahit mdaling araw ay maaasahan.
‘Yung plastikadang opisyal, nang magbigay ng tulong para sa patay na kapos pa ng P7,500 para sa pampalibing, tumugon naman at tumulong pero nagbalanse pa ng P2,000.
Ano ba ‘yan?!
E sa ibang lungsod nga libre na ang palibing dahil sa mahusay na programa ng mga Yorme.
At heto pa, minsan nag-aabuloy pa ng P200?! Kulang pang pambili ng kape
Wattafak!
Hindi ganyan si Konsehal Donna.
Ibang-iba ang pagkalinga niya sa mga taga-Pasay.
Sabi nga ng mga taga-Pasay, parang si Konsehal Donna ang tunay na ina ng kanilang lungsod.
How sweet naman!
PANAWAGAN AY DIGONG
Mahal na Mayor Duterte,
Ang resulta ng 15 buwan rehabilitasyon ng Boracay, ang ulan ay humalo sa tubig imburnal dahil isang tubo lamang ang kanilang inilagay sa main road at pinakakawalan sa back beach na hindi dumaan sa water treatment facilities, na kasama sa P130 per cubic meter na sinisingil sa mga gumagamit ng tubig sa isla.
Saklolohan po ninyo kami.
— Concerned Boracay residents
Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
BULABUGIN
ni Jerry Yap
