HATAW! D'yaryo ng Bayan hatawtabloid.com
NASAKOTE ng mga operatiba ng National Bureau of Investigation (NBI), ang isang Sri Lankan national na inireklamo ng kanyang misis na Pinay dahil ginagawa siyang ‘cyber sex slave’ sa loob ng pitong buwan at molestiyahin ang kanyang anak na babae, nitong Biyernes ng gabi sa San Jose Del Monte, Bulacan.
Napilitan nang ireklamo sa NBI ng ginang na hindi na pinangalanan ang suspek na Sri Lankan national bilang proteksiyon sa kanilang mag-ina nang maging ang kanyang anak na babae sa unang relasyon ay sinimulan na rin nitong molestiyahin.
Dakong 8:00 pm nang arestohin ang suspek sa loob ng kanilang bahay.
Sinabi ng ginang na ibinebenta ng suspek sa online sa mga dayuhan tuwing isasagawa ang pang-aabuso sa kanya.
Nalaman din na pinadalhan na rin ng suspek ng mga kopya ng video ang kanilang mga kamag-anak.
Inamin naman ng dayuhan ang pang-aabuso dahil wala siyang pera.
Inihahanda na ng NBI, ang pagsasampa sa dayuhan ng kasong paglabag sa RA 9208 o Anti-Trafficking in Persons Act of 2003, RA 9262 o Anti-Violence Against Women and Children Act of 2004, at Cybercrime Prevention Act of 2012, sa suspek.
