Pekeng US marine arestado ng NBI

LAGLAG sa kamay ng mga ahente ng National Bureau of Investigation (NBI) ang isang Liberian national na nagpanggap na miyembro ng US marine.

Ayon kay NBI Deputy Director Vicente de Guz­man, naaresto si Justine Barlee, unang nagpakilala bilang Jerry Brown at Jerry Rockstone, matapos ipag­bigay alam sa kanila ang plano nitong panloloko.

Ayon kay De Guzman, naghahanap ng financier ang suspek na magpa­paluwal ng US$150,000 para ma-recover umano ang sinasabi niyang pera na naiwan sa Global Cargo shipping company.

Lumabas sa pakiki­pag-ugnayan at imbestigasyon ng NBI sa US Embassy, hindi miyem­bro ng US Marine ang suspek at hindi rin isang American national.

Inaalam ng NBI kung totoo ang mga pangalang ibinigay ng suspek dahil wala umanong identi­fication documents na nakuha sa suspek.

Nahaharap ang suspek sa kasong violation of Article 177 (Usurpation of Authority or Official Functions) at Article 178 (Using Fictitious Name and Concealing True Name) na kapwa nasa ilalim ng Revised Penal Code.

(May kasamang ulat ni Rica Anne Dugan, OJT)