HATAW! D'yaryo ng Bayan hatawtabloid.com
KARANIWANG tinututukan ng mga manonood ang isang programang magtatapos na (kung talagang sinusubaybayan iyon). Pero hindi iyon nangyari sa katapat na programa ng FPJ’s Ang Probinsiyano, ang Kara Mia, na nag-end na noong Biyernes.
Nananatili kasing pinakapinanonood na serye sa bansa ang action-serye ni Coco Martin. Hindi siya nagapi ng katapat nitong programa na nagtapos na at ang bagong naging katapat, ang Sahaya.
Binuksan ng Kapamilya serye ang Hulyo nang nangunguna sa timeslot sa pagpalo nito sa 37.5% noong Lunes (Hulyo 1), samantalang 18.7% lamang ang naitala ng bagong karibal nitong Sahaya, ayon sa datos ng Kantar Media. Humataw naman sa national TV rating na 35.6% ang Kapamilya serye noong Biyernes (Hunyo 28), o 14.1 na puntos na lamang kompara sa Kara Mia na mayroon namang 21.5%.
Samantala, napanood din noong Lunes ang pagpasok ng apat na bagong karakter sa Ang Probinsyano. Ito’y pinangunahan ni Arron Villaflor na isang alagad din ng batas ang karakter. Siya si Police Captain Amir Marquez.
Kasama ni Arron ang tatlo pang miyembro ng kanyang bagong task force na sina Kaiser Boado, Josef Elizalde, at Martin Escudero, Misyon nilang tulungan ang Task Force Agila ni Cardo Dalisay (Coco) para hulihin si Alias Bungo (Baron Geisler) at grupo nito na siyang pumatay kay Police Captain Francisco ”Chikoy” Rivera.
Hindi ito ang unang pagsasama nina Coco at Arron. Una silang nagkatrabaho sa Juan dela Cruz noong 2013.
SHOWBIZ KONEK
ni Maricris Valdez Nicasio
