HATAW! D'yaryo ng Bayan hatawtabloid.com
PINAGTAWANAN ng Anti-Trapo Movement (ATM) ang pahayag ni Senator Loren Legarda na dahil sa delicadeza ay hindi siya lumahok sa botohan para sa super franchise ng kanyang anak na minadaling aprobahan ng senado.
“The Constitution prohibits her from having direct or indirect interest in a franchise granted by the Government. It is established that her being the mother of the franchisee’s owner gives her indirect interest in the franchise. That prohibition applies whether she abtains from voting or not, So, Legarda’s abstention doesn’t matter,” paliwanag ng ATM.
Nauna nang sinabi ni Legarda na siya ay nag-abstain sa pagboto sa bill dahil sa delicadeza, na nagbigay ng 25-year franchise sa Solar Para Sa Bayan Corporation (SPSBC), isang power firm na kontrolado ng kanyang anak na si Leandro Leviste.
Ayon sa ATM, hindi isyu ang pag-abstain ng senadora kundi ang kanyang paglabag sa Konstitusyon, na nagbabawal sa mga mambabatas na direkta o hindi direktang pagkakaroon ng sobrang interes sa goverment proceedings hinggil sa aplikasyon ng prankisa.
Magugunita na noong Disyembre, agad nagsampa ng reklamo ang ATM sa Senate Committee on Ethics and Privileges, ilang araw matapos aprobahan ng House of Representatives ang franchise application ng SPSBC.
Bukod sa ipinagbabawal kay Legarda ang pagpapakita ng interes sa nasabing prankisa, sinabi ng ATM na ang staff ng senadora ang palagiang nagpa-follow-up sa progreso ng aplikasyon ng franchise ng anak nito sa House Committee on Legislative Franchises.
Lumalabas na hindi inaksiyonan ng Senate Committee on Ethics and Privileges na pinamumunuan ni Senator Manny Pacquio ang reklamo ng ATM at sa halip ay sumali sa pag-aproba ng naturang prankisa.
