HATAW! D'yaryo ng Bayan hatawtabloid.com
PITONG aktres at pitong aktor ang maglalaban-laban para sa best actress at best actor samantalang limang de-kalibre at pinag-usapang pelikula ng 2018 ang magbabakbakan sa 3rd EDDYS ng Society of Philippines Entertainment Editors (SPEEd) sa Hulyo.
Nominado bilang pinakamagaling na pelikulang Filipino ang Citizen Jake, Goyo, Liway, Rainbow’s Sunset, at Signal Rock.
Mag-aagawan sa best director category ang mga direktor na sina Chito Roño (Signal Rock), Jerrold Tarog (Goyo), Joel Lamangan (Rainbow’s Sunset), Kip Oebanda (Liway), at Mike de Leon (Citizen Jake).
Mahigpit din ang labanan sa best actress category nina Angelica Panganiban (Exes Baggage), Glaiza de Castro (Liway), Gloria Romero (Rainbow’s Sunset), Judy Ann Santos (Ang Dalawang Mrs Reyes), Kathryn Bernardo (The Hows of Us), Nadine Lustre (Never Not Love You), at Sarah Geronimo (Miss Granny).
Maggigirian naman sa pagka-best actor sina Piolo Pascual (Ang Panahon ng Halimaw), Carlo Aquino (Exes Baggage), Christian Bables (Signal Rock), Daniel Padilla (The Hows of Us), Dingdong Dantes (Sid & Aya), Paolo Contis (Through Night & Day), at Eddie Garcia (Rainbow’s Sunset).
Anim na special awards din ang ipamimigay ng EDDYS: Ang Joe Quirino Award, na igagawad sa TV-radio host-columnist na si Cristy Fermin; Manny Pichel Award, na ibibigay sa entertainment columnist at talent manager na si Ethel Ramos; Rising Producers’ Circle, na ipagkakaloob sa Spring Films at T-Rex Entertainment; Producer of the Year para sa Star Cinema; Lifetime Achievement Award sa premyadong direktor na si Elwood Perez; at ang posthumous recognition para sa comedy king na si Dolphy.
Ang pagbibigay ng award ng SPEEd ay isang paraan para hikayatin, lalong pataasin ang morale, at patuloy na magbigay-inspirasyon sa Filipino filmmakers, producers, writers, actors, at iba pa na kasama sa pagbubuo ng isang matino at de-kalidad na pelikula.
Ang SPEEd ay samahan ng mga entertainment editor ng major broadsheet and tabloid sa bansa, sa pangunguna ni Ian F. Farinas bilang presidente. Si Isah Red ang chairman emeritus ng organisasyon.
Narito ang kompletong listahan ng mga nominado sa 3rd EDDYS:
BEST PICTURE—Citizen Jake (Cinema Artists Philippines); Goyo (TBA Studios, Artikulo Uno Productions & Globe Studios); Liway (Alemberg Ang); Rainbow’s Sunset (Heaven’s Best Entertainment); at Signal Rock (CSR Productions & Regal Entertainment); BEST DIRECTOR—Mike de Leon (Citizen Jake); Joel Lamangan (Rainbow’s Sunset); Kip Oebanda (Liway); Chito Roño (Signal Rock); at Jerrold Tarog (Goyo); BEST ACTRESS—Kathryn Bernardo (The Hows of Us); Glaiza de Castro (Liway); Sarah Geronimo(Miss Granny); Nadine Lustre (Never Not Love You); Angelica Panganiban (Exes Baggage); Gloria Romero (Rainbow’s Sunset); at Judy Ann Santos (Ang Dalawang Mrs Reyes); BEST ACTOR—Carlo Aquino (Exes Baggage); Christian Bables (Signal Rock); Paolo Contis (Through Night & Day); Dingdong Dantes (Sid & Aya); Eddie Garcia (Rainbow’s Sunset); Daniel Padilla (The Hows of Us); at Piolo Pascual (Ang Panahon ng Halimaw);
BEST SUPPORTING ACTRESS—Pinky Amador (Ang Panahon ng Halimaw); Max Collins (Citizen Jake); Sunshine Dizon (Rainbow’s Sunset); Cherie Gil (Citizen Jake); Aiko Melendez (Rainbow’s Sunset); Daria Ramirez (Signal Rock); at Nova Villa (Miss Granny); BEST SUPPORTING ACTOR—Adrian Alandy (Citizen Jake); Arjo Atayde (Buybust); Tirso Cruz III (Rainbow’s Sunset); Ricky Davao (Kasal); Joross Gamboa (Dalawang Mrs Reyes); Tony Labrusca (ML); at Tony Mabesa (Rainbow’s Sunset);
BEST SCREENPLAY—Zig Dulay (Liway); Noel Pascual, Mike de Leon, Atom Araullo (Citizen Jake); Eric Ramos (Rainbow’s Sunset); Jerrold Tarog, Rody Vera (Goyo); at Rody Vera (Signal Rock); BEST IN CINEMATOGRAPHY—Did Buhay (Citizen Jake); Mycko David (Never Not Love You); Neil Daza (Signal Rock); Pong Ignacio (Goyo); Yam Laranas (Aurora); at Pao Orendain (Sid & Aya); BEST VISUAL EFFECTS—Aurora –Gem Garcia at Ernest Villanueva; BuyBust—Dennis Rejoy, John Vincent Suarez Alimuom Gem Garcia, Ernest Villanueva & UpprGrnd Aurora Mothership, Inc.; Goyo–Blackburst, Inc.; Miss Granny –Dodge Ledesma; Signal Rock-Jaypee Estigoy; Through Night and Day– Outpost; BEST MUSICAL SCORE—Arlene Florida Calvo (Exes Baggage); Len Calvo (Sid & Aya); Oscar Fogelstrom (Aurora); Paulo Protacio (Bakwit Boys); Jerrold Tarog (Goyo); at Emerzon Texon, (Meet Me In St. Gallen);
BEST PRODUCTION DESIGN—Mike Guison (Citizen Jake); Roy Lachica (Goyo); Ericson Navarro, Daniel Red (Aurora); Mark Saab (Signal Rock); Aped Santos (Liway); at Norico Santos (The Hows of Us); BEST EDITING—Mai Calapardo (Rainbow’s Sunset); George Centeno, Tom Estrera (Citizen Jake); Carlo Francisco Manatad (Signal Rock); Carlo Francisco Manatad (Sid & Aya); Chuck Gutierrez (Liway); at Jerrold Tarog (Goyo); BEST ORIGINAL THEME SONG—Heartbeats (nina Jem Cubil at Andrea Babierra, Sid & Aya); Isa Pang Araw (ni Sarah Geronimo, Miss Granny); Ligtas Ka Na (ni Sean Oliver, Bakwit Boys); Maybe the Night (Ben & Ben, Exes Baggage); Sa ’Yo Na (ni Ice Seguerra, Rainbow’s Sunset); at Susi (Ben & Ben, Goyo); BEST SOUND—Nonong Buencamino (Citizen Jake); Alan Carl, Pierre Marco, at Javier (Bakwit Boys); Jason Conanan, Daryl Libongco, at Mikko Quizon (Meet Me in St. Gallen); Albert Michael Idioma (Aurora); Albert Michael Idioma (Signal Rock); at Alex Tomboc, Albert Michael Idioma (Rainbow’s Sunset).
SPECIAL AWARDS: Joe Quirino Award, Cristy Fermin; Manny Pichel Award, Ethel Ramos; Producer of the Year, Star Cinema Rising Producers’ Circle, Spring Films at T-Rex Entertainment; Lifetime Achievement Award, Elwood Perez; at Posthumous Award, Dolphy.
SHOWBIZ KONEK
ni Maricris Valdez Nicasio
