Bitay sa 18th Congress puwedeng lumusot — Sotto

NANINIWALA si Senate President Vicente Tito Sotto III na posibleng makalusot sa 18th congress ang pag­buhay sa parusang bitay.

Nakikinita ito ni Sotto sa pagdomina ng mga kandidato ng adminis­trasyon at pangunguna sa partial and unofficial tally ng ng Commission on Elections (Comelec).

Ayon kay Sotto, kara­mihan sa mga nasa top 12 tulad ni dating Philippine National Police (PNP) chief at Bureau of Cor­rections (BuCor) Director Ronald “Bato” Dela Rosa ay sangayon sa death penalty ngunit para lamang sa mga heinous crime tulad ng illegal drug trade.

Ngunit sinabi ni Sotto, kapag ipinilit ang ilang krimen na ipaloob sa death penalty tiyak na maraming senador ang tututol dito.

Sa kabila nito sinabi ni Sotto, hindi prayoridad ng senado ang death penalty ngunit sakaling may maghain nito sa 18th Congress na posibleng si Senador Manny Pacquiao, kanila itong tatalakayin at malaki ang posibilidad na makalusot sa senado.

Kaugnay nito, iginiit ni Senate President Vicente Tito Sotto III na hindi madidiktahan ng Malacañang ang susunod na komposisyon ng mga miyembro ng senado sa 18th Congress.

Ayon kay Sotto, maki­kita sa mga panayam sa ilang mga kaalyado ng administrasyon tulad ni Dela Rosa na hindi mag­papadikta sa Palasyo at aaksiyon base sa kanyang konsensiya.

Inihalimbawa ni Sotto ang kasalukuyang 17th Congress na nanatiling independent ang senado.

Aminado ang pangu­lo ng senado na sinusu­por­tahan nila si Pangu­long Rodrigo Duterte sa mga batas na sa palagay nila ay makabubuti para sa bayan.

Inamin ni Sotto, na­ka­usap niya si Pacquiao at sinabi sa kanya na nais nina Bato, dating SAP Bong Go, at Francis Tolen­tino, na ang 18th Congress ay manatili sa pamu­muno ni Sotto ang Senado.

nina CYNTHIA MARTIN/niño aclan