Sunday , March 26 2023
Philhealth bagman money

PhilHealth’s Morales, ExeCom sampahan ng kaso — Lacson (Iginiit na ‘mafia’)

INIREKOMENDA ng senado na sampahan ng kaso si Philippine Health Insurance Corp., (PhilHealth) chief Ricardo Morales at iba pang matataas na opisyal ng ahensya dahil sa mga nalantad na katiwalian.

Pahayag ito ni Sen. Panfilo Lacson matapos wakasan ng Senado noong nakaraang linggo ang kanilang imbestigasyon sa mga anomalya sa PhilHealth.

Sinabi ni Lacson, kabilang sa mga kasong inirererekomenda ng Senado na isampa laban sa mga opisyal ng PhilHealth ay malversation, paglabag sa Anti-Graft and Corrupt Practices Act, paglabag sa National Internal Revenue Code, at perjury.

Kabilang sa mga inirerekomendang kasuhan ay sina Morales, Fund Management Sector senior vice president Renato Limsiaco, Jr., senior vice president and chief information officer Jovita Aragona, at senior ICT officer Calixto Gabuya, Jr.

Iginiit ni Lacson, malinaw na malversation ang ginawa ng mga opisyal ng PhilHealth nang ipinatupad nila ang interim reimbursement mechanism (IRM) kahit hindi pa effective ang circular para rito, at ang pondong nakalaan sa program ay nagamit sa mga dialysis centers, infirmaries, at maternity centers kahit hindi naman sila maituturing na nagreresponde sa “fortuitous” events.

“E doon sa mismong IRM, sa circular, ‘yung 2020-0007, nakapaloob doon na ang date of effectivity after publication sa isang pahayagan of general circulation, tapos ‘and,’ hindi naman ‘or,’ ‘yung pagbigay ng kopya sa ONAR, or Office of the National Administrative Register sa UP Law Center. June 11 ‘yung nakalagay doon,” saad ni Lacson sa isang panayam.

Nauna nang inamin ni PhilHealth senior vice president Atty. Rodolfo Del Rosario, Jr., ang release ng IRM funds bago 11 Hunyo 2020 ay maituturing na ilegal.

Paglabag naman sa National Internal Revenue Code at Anti-Graft and Corrupt Practices Act ayon kay Lacson “nang hinugot nila roon sa corporate operating budget ‘yung pondo. E pera ng gobyerno ‘yun. Hindi puwedeng gamitin ‘yun na pambayad ng tax.”

Samantala, maaring managot din sina Aragona at Gabuya sa sinsabing overpricing ng ICT system ng PhilHealth.

Dahil nagsinungaling ang mga opisyal ng PhilHealth kahit under oath sa pagdinig ng Senado, sinabi ni Lacson na liable sila sa perjury. (CYNTHIA MARTIN/NIÑO ACLAN)

About Niño Aclan Cynthia Martin

Check Also

iSCENE 2023 PAPI DOST

Are you ready for the biggest and the smartest 𝗜𝗻𝘁𝗲𝗿𝗻𝗮𝘁𝗶𝗼𝗻𝗮𝗹 𝗘𝘅𝗽𝗼𝘀𝗶𝘁𝗶𝗼𝗻 𝗶𝗻 𝘁𝗵𝗲 𝗣𝗵𝗶𝗹𝗶𝗽𝗽𝗶𝗻𝗲𝘀 this year?

Join us on March 23-25, 2023, in the first ever 𝗜𝗻𝘁𝗲𝗿𝗻𝗮𝘁𝗶𝗼𝗻𝗮𝗹 𝗦𝗺𝗮𝗿𝘁 𝗖𝗶𝘁𝘆 𝗘𝘅𝗽𝗼𝘀𝗶𝘁𝗶𝗼𝗻 𝗮𝗻𝗱 …

Mr Freeze Gerry Santos Ivy Ataya Joyce Selga

Mr Freeze BFF ng mga sikat sa showbiz

NAALIW kami kay Mr Gerry Santos aka Mr Freeze sa mediacon ng kanyang Negosyo Goals show sa AllTV na napapanood tuwing Linggo, 11:30 a.m.. Matatawag …

electricity meralco

Karapatan ng consumer mangingibabaw kontra prangkisa

IGINIIT ni Puwersa ng Bayaning Atleta partylist Rep. Margarita Nograles, ang kapakanan ng mga residente …

Bulacan Police PNP

Kampanya kontra krimen sa Bulacan
11 tulak, 2 wanted, 2 sugarol timbog

SUNOD-SUNOD na pinagdadampot ang 11 hinihinalang drug dealer, siyam na pinaghahanap ng batas, at dalawang …

Derek Ramsay Mr Freeze Gerry Santos

Mr Freeze pinatunayang ayaw na ni Derek sa showbiz: Enjoy siya sa pagiging family man

KINOMPIRMA ng kaibigan ni Derek Ramsay na si Mr Freeze Gerry Santos na ayaw na talaga ng aktor ang …

Leave a Reply