Wednesday , February 28 2024

CSC sinisi sa paglobo ng ‘endo’

SINISI ni Senador Imee Marcos ang Civil Service Commission (CSC) sa kawalan ng trabaho sa gitna ng pandemyang CoVid-19 dahil bigong sertipikahan ang mga aplikanteng kalipikado o eligible sa libo-libong trabaho sa gobyerno na hinayaang bakante sa loob ng maraming taon.

Sinabi ni Marcos, bilang taga-depensa sa 2021 budget ng CSC, mahigit 269,000 ang permanenteng posisyon sa gobyerno ang bakante hanggang 2019 at halos may 178,000 pang bakante hanggang nitong nagdaang Agosto.

“Kung ang puwesto sa gobyerno ay napabayaang bakante, ang hindi nagamit na badyet sa pagkuha o pagha-hire para sa nasabing mga posisyon ay idinedeklarang taunang ipon o yearend savings. Ang nasabing mga savings ang ginagamit na pang-bonus na pinaghahati-hatian ng mga opisyal ng ahensiya,” diin ni Marcos.

Binanggit ni Marcos na kabilang dito ang P7.6 bilyon mula sa miscellaneous personal benefits fund (MPBF) sa 2020 budget na nananatiling hindi pa rin nagagamit para kumuha ng bagong tauhan sa iba’t ibang ahensiya ng gobyerno.

Ang away sa loob ng mga taga-gobyerno at kawalang aksiyon ng CSC ang lalo pang nagpapalala at nag-aantala sa pagkuha ng mga tao para sa mga bakanteng puwesto sa gobyerno, dagdag ni Marcos.

“Mahihirapan ang CSC na idepensa ang panukalang badyet para sa susunod na taon kung walang inisyatiba para magkaroon ng maayos na takbo sa tanggapan,” babala ni Marcos.

Inirekomenda ni Marcos na pabilisin ng CSC ang pagpapatupad ng patakaran para maging eligible sa madaling panahon ang mga contractual employees na matagal na sa kanilang trabaho sa gobyerno pero nanatiling iregular na kawani sa loob ng maraming taon, dahil hindi sila nakatatanggap ng commission-certified salaries at iba pang mga benepisyo.

“Dapat nang tumigil ang gobyerno sa pagiging pinakamalaking tagapagtaguyod ng endo o end-of-contracct employment. Itigil na na natin ang pang-aabuso at maling pagtrato sa mga contractual employees ng gobyerno na kinukuha lang ang suweldo sa mga miscellaneous at iba pang operating expenses,” mariing pahayag ni Marcos.

Dagdag ng senadora, ang mga hindi nagagalaw na pondo para sa mga puwesto sa gobyerno na patuloy na bakante ay dapat nang tanggalin sa panukalang badyet sa mga ahensiya ng pamahalaan at sa halip gamitin ito para sa pondo ng gobyerno sa mga pandemic response measures.  (NIÑO ACLAN/CYNTHIA MARTIN)

About Niño Aclan Cynthia Martin

Check Also

SM Cyberzone Game Fest Feat

Cyberzone Game Fest 2024 is back to celebrate all things gaming
Cyberzone Game Fest at SM Supermalls now on its 9th Year

Calling all gamers, esports enthusiasts, and tech aficionados! Now on its 9th year, Cyberzone Game …

Bulacan Police PNP

Siyam na law offenders sa Bulacan inihoyo

DALAWANG wanted person at pitong lumalabag sa batas ang inaresto ng Bulacan police sa magkaibang …

Birth Certificate PSA

Pinadali at pinabilis na sistema para maiayos ang mga mali sa Birth Certificate nilinaw ng PSA

DETALYADONG ipinaliwanag ng Philippine Statistics Authority o PSA ang mas pinadaling paraan at pinabilis na …

SMC San Miguel Aerocity Biodiversity

SMC launches PHL’s first complete biodiversity offset Site in Bulacan

San Miguel Aerocity, Inc. (SMAI), a subsidiary of San Miguel Corporation (SMC), has inaugurated its …

Sa DigiPlus maging responsableng gamer, puwede

Sa DigiPlus
MAGING RESPONSABLENG GAMER, PUWEDE

PINAIIGTING ng DigiPlus Interactive Corp. (DigiPlus), operator ng mga nangungunang digital platform gaya ng BingoPlus, …

Leave a Reply

Your email address will not be published. Required fields are marked *