Cotabato mayoralty bet, pinopondohan ng ISIS?

MATINDI ang hangarin ng isang mayoralty bet ng Cotabato City na ma­na­lo sa eleksiyon nga­yong darating na 13 Mayo dahil nagmumula na umano sa inter­national terrorist group na Islamic State of Iraq & Syria (ISIS) ang cam­paign funds matiyak lang ang panalo sa elek­siyon.

Itinuro ang kandi­dato na isang congress­woman Bai Sandra Sema, ina umano ng kom­pirmadong ISIS na si Datu Muhammad Ab­duljabbar Sema.

Nabatid mula sa isang source, mayroong nakalaang pondo ang ISIS para sa kandi­da­tura ni Rep. Sema sa pagka-alkalde ng Cota­bato City.

Ang transaksiyon umano para mapon­do­han ang kandidatura ni Sema ay dahil mayroong mata­as na posisyon ang anak niyang si Abdul­jabbar Sema sa teroris­tang ISIS na direktang konektado sa Maute group.

Ang anak ni Sema ay sinasabing direktang res­ponsable sa 2016 Davao Night Market blast na kumitil sa 14 katao at nakasugat ng 17 sibilyan.

Si dating PNP Chief at senatorial bet Gen. Ronaldo “Bato” Dela Rosa mismo ang nagkom­pirma ng koneksyon ni Abduljabbar sa ISIS.

Ayon kay Bato, si Abduljabbar Sema ang utak ng Davao Night Market Blast.

“Siya ang nagbigay ng sasakyan at nag-operate ng bombing ope­ration. Siya rin ang brain. Siya ang nangungunang propagator ng ISIS dito sa Filipinas at siya rin ang nagpapakalat ng extre­mism,” ani Bato sa isang pahayag matapos ang pagsabog noong 2016.

Nauna nang napa­ulat na tumakas si Ab­dul­jabbar Sema patu­ngong Malaysia, gayon­man nabigo ang mga awtoridad na siya ay maikulong.

Matatandaan na ipi­nagmamalaki ni Rep. Sema na mayroon siyang hindi matatawarang su­porta kay Duterte dahil sa pagiging tagapag­ta­gu­yod ng BOL at gayon­din sa mga nakaupo sa BARMM.

Nangangamba ang mamamayan ng Cota­bato City na gagamitin ni Rep. Sema ng lahat ng dirty tactics manalo lang sa eleksiyon kabilang rito ang pondong mangga­galing umano sa ISIS at ang koneksiyon niya kay Duterte.