Perya ng Bayan ni Piryong weteng solo arangkada sa QC!

NAKAGUGULAT ang birtud ng isang alyas Piryong diyan sa Quezon City.

Malakas ang ugong na si alyas Piryong umano ang financier/operator ng Perya ng Bayan as in PNB sa Kyusi.

Ang operasyon daw niyan ay may basbas ng Philippine Charity Sweepstakes Office  (PCSO).

Pero sabi naman ng PCSO, huwag tangkilikin ang Peryahan ng bayan.

Legal jueteng ba ‘yan!?

Wattafak!

Kaya siguro, ilag at umiiwas din ang Quezon City Police District (QCPD) na makaenkuwentro ang mga taga-Perya ng Bayan dahil baka mayroon silang kalagyan.

Hindi raw kayang banggain ng tsapa ng lespu ang pader na sinasandalan ni Piryong…o naikamada na ni Piryong a.k.a. PM ang ‘parating’ sa QCPD!?

Matibay pa raw sa poste ng Quezon City Hall ang operator n’yan.

Kaya kahit may ‘monte’ pero walang ‘bel’ tiyak na hindi puwedeng bumangga sa PNB ni Piryong ang mga parak dahil baka sila ay maresbakan?!

Kaya walang sinabi ang STL ng PCSO dahil panalong-panalo si Piryong na kopong-kopo ang PNB sa Kyusi.

Ibig sabihin, hindi puwedeng karibalin ng kahit na sino.

Ang tanong: alam ba ni PCSO director Sandra Cam ‘yan!?                                

Abangan natin!                                             

 

TOTAL BAN VS CHINESE
CONSTRUCTION WORKERS
ISINUSULONG
NI SEN. NANCY BINAY

‘YAN na nga ang sinasabi natin, hindi kulay ang pinag-uusapan kundi ang klarong tindig sa mga krusyal na isyung pinag-uusapan.

Kaya naman pinabilib tayo ni Senator Nancy Binay na tumitindig na dapat talagang isulong ang total ban kontra Chinese construction workers.

Bakit nga naman kukuha ng Chinese construction workers kung marami naman tayo niyan.

Hindi ba kabalintunaan na nagpapadala tayo ng skilled construction workers sa ibang bansa lalo sa Middle East, tapos ang Chinese nationals ang kumikita nang malaki sa China aid/loan na babayaran nating mga Filipino?!

Hindi kaya parang nagigisa tayo sa sariling mantika nang ganyang trato sa atin ng China?!

Baka nalilimutan ng mga pinuno ng ating pamahalaan na karamihan ng magagandang gusali sa Middle East ay halos Filipino engineers and skilled workers ang nagtayo?!

Tapos ‘yung galing nila na ‘yun ay hindi mapakinabangan ng sarili nating bansa?!

Wattafak!

Sabi nga ni Madam Senator Nancy dapat na ang pamahalaan ang unang-unang magbigay ng proteksiyon sa kapakanan ng mga mangga­gawang Filipino.

Pumasok sa isang malaking infrastructure project na Build Build Build program ang gobyernong Filipino na inakalang mag-aanak nang maraming trabaho para sa mga kababayan natin pero maling akala pala.

Sabi nga ni Senator Binay, hindi patas at disadvantageous sa mga manggagawang Filipi­no ang polisiya at kasunduan na nakatali tayo sa utang natin sa China at ginagawang require­ment ang pagkakaroon ng Chinese workers. 

Masyado nga namang maliit na dahilan na kailangan umano ay Mandarin-speaking Chinese laborers dahil puro Chinese characters ang nakasulat sa mga equipment. 

Kayang-kaya nga namang resolbahin ang problemang ‘yan ng isang interpreter para punan ang communications gap.

Puwes, kung gayon dapat ibasura ang mga kondisyon na nakalakip sa mga official development assistance (ODA) loans. 

Kung talagang hangarin nilang makatulong sa mga bansang maliliit na gaya ng Filipinas, ang unang indikasyon ay bigyan ng trabaho ang maraming Filipino.

Kasunod niyan, pagbayarin ng tamang buwis ang Chinese nationals na narito sa bansa at nagtatrabaho sa infrastructure projects ganoon din sa iba pang linya ng industriya gaya ng online gaming.

Dahil diyan, may boto ka sa akin, Madam Senator Binay!

Nancy Binay for Senator!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit http://www.hatawtabloid.com

BULABUGIN
ni Jerry Yap