HATAW! D'yaryo ng Bayan hatawtabloid.com
Since mag-umpisa ang showbiz career ni Bea Alonzo, 18 years ago, ay hindi pa nakagawa ng horror film ang aktres dahil nalinya siya sa mga romantic comedy at drama katambal ang semi-retired na actor na si John Lloyd Cruz. Na-master na marahil ni Bea ang mga karakter sa drama at rom-com kaya tumanggap na siya ng horror film, ang Eerie na idinirek ni Mikhail Red, kasama ang iniidolo niyang multi-awarded actress na si Ms. Charo Santos – Concio.
Ayon kay Bea, ay isa raw ang former presidente at CEO ng ABS-CBN sa mga pangarap niyang makatrabaho batay na rin sa kuwento niya sa nakaraang Eerie mediacon na ginanap sa ABS-CBN Studio Experience sa Trinoma.
“Dream come true po para sa akin na makasama sa isang frame si Ma’am Charo. Honestly no’ng umpisa kinakabahan ako. Hindi ko alam kung paano.
Ano ba dapat expectations ko? Ibang pakiramdam ‘yun (makaharap). Parang nag-share kayo ng art, kayong dalawa. So, hindi ko makakalimutan itong experience na ito,” sabi ni Bea.
“And also first time ko rin na gumawa ng horror movie. My first time with Direk Mikhail Red. First time ko rin makasali sa festival.”
Ang Singapore International Film Festival na nagkaroon ng world premiere sa Capitol Theater nitong Disyembre ang binanggit ni Bea.
Sagot naman ni Ms. Charo sa papuri ni Bea: “Bea was only 13 years old when I met her. At talagang nasundan ko ang kanyang career. Isa siya sa mga hinahangaan ko sa mga kabataang artista.
“I felt excited, and I really look forward to working with her. She’s a very intelligent and generous actress. She works hard. She comes to the set prepared. Pero, ‘pag break naman, nagbi-break din naman siya from her character. Yeah, she’s a true professional. Her attitude towards her craft is admirable.”
Napangiti si Bea sa sinabi ng dati niyang boss sa ABS-CBN. “Kinikilig ako. Gusto kong kumuha ng copies ng lahat ng mga interviews namin. Ipapa-frame ko nang malaki ang picture naming magkasama. Sino ba ang makapagsasabi na nakasama ko ang ‘Asia’s Best Actress’ sa isang pelikula.”
Ang Eerie ay joint venture ng Star Cinema at Cre8-(Singapore), Mediaeast at mapapanood na ngayong Marso 27. Kasama rin sa pelikula sina Jake Cuenca, Joy Apostol at Maxene Magalona-Mananquil.
VONGGANG CHIKA!
ni Peter Ledesma
