Arjo, happy kay Maine: Kuntento po ako ngayon

“O NE step at a time. Let’s see po” Ito ang naging tugon ni Arjo Atayde nang kulitin ng entertainment press kung ihahayag ba niya sakaling maging girlfriend na niya si Maine Mendoza.

Aminado naman ang bida ng Bagman, bagong handog ngDreamscape Digital para sa iWant at mapapanood simula March 20, na masaya siya at kontento nang aminin din ni Maine ang ukol sa kanilang dating status sa isang blog post nito.

Hindi na rin sila nagpapa-apekto sa mga basher. Giit ng actor, “We are both really happy. I am. I don’t want to speak for her. I am very happy. I think that’s what matters now. With my career, ABS is taking care of me. My personal life is good. My family is fine. I am very happy. Kuntento po ako ngayon.”

Samantala, bibida sa socio-political action drama series si Arjo, isang ordinary ngunit madiskarteng barbero na kumakayod para sa pamilya. Dahil sa road-widening project ng munisipyo, nanganganib na ma-demolish ang sarili niyang barbershop na siyang pinagkukunan niya ng pang-araw-araw na kita.

Dahil buntis ang asawa, papayag si Benjo na gawin ang isang maliit na misyon para masalba ang kanyang barbershop. Para kumita ng karagdagang pera, papayag siyang maging bagsakan ang barbershop ng mga kahina-hinalang transaksyong maaaring magpahamak sa buhay niya.

Ipinrodus ng Dreamscape Digital at Rein Entertainment ang  Bagman, na kasama rin sina Alan Paule, Yayo Aguila, Chanel Latorre, at Raymond Bagatsing.

Ito’y 12-part series na isinulat at idinirehe ni Shugo Praico, at nilikha naman nina Lino Cayetano, Philip King, at Shugo. Ang unang anim na episodes ay magiging available sa iWant nang libre simula Marso 20. Tatlong episodes naman ang mapapanood sa Marso 27, at ang huling tatlong episodes ay sa Abril 3.

SHOWBIZ KONEK
ni Maricris Valdez Nicasio