62-anyos lolo todas sa sunog

KOMPIRMADONG patay ang 62-anyos lolo nang masunog ang kan­yang dalawang-palapag na bahay sa Manda­luyong City kahapon ng madaling araw.

Kinilala ni F/Supt. Christine Pula, fire chief, ang biktima na si Ray­mundo Liwanag Jr., nakatira sa Ayala Homes Subd., Brgy., Barangka sa lungsod.

Base sa imbestiga­syon, sumiklab ang sunog dakong 1:41 am, at naa­pula ng mga bomber dakong 2:25 am.

Sa kabila nito, limang oras ang lumipas bago natagpuan ang bangkay ni Liwanag na naipit umano nang bumagsak ang ikalawang palapag at dumagan sa katawan ng biktima.

Inaalam ng mga im­bes­tigador ang sanhi ng sunog at halaga ng mga ari-arian na nilamon ng apoy.

(EDWIN MORENO)