Saturday , May 3 2025

Anthony, unang PBA Player of The Week ng 2019

BAGONG season ngunit parehong galing ang ipinamalas ni Sean Anthony ng Northport matapos hirangin bilang unang Cignal – PBA Press Corps Player of the Week ng 2019 PBA Season.

All-around performance ang ipinakita ng 6’4 forward na si Anthony sa unang linggo ng 2019 PBA Philippine Cup na nawalis ng koponan niyang Northport ang kanilang unang dalawang laban.

Nagrehistro si Anthony ng pambihirang 20.5 puntos, 7.0 rebounds, 5.0 assists at 4.0 steals panalo ng Batang Pier kontra Blackwater at NLEX upang makasalo ngayon sa tuktok ng All Filipino conference standings ang Phoenix hawak ang parehong 2-0 baraha.

Naglista si Anthony ng 19 puntos, limang rebounds, limang assists at isang agaw sa malaking 117-91 debut win ng Norhtport noong nakaraang Miyerkoles kontra sa bagong bihis na Elite.

Makalipas ang apat na araw, hindi pa rin naawat ang Filipino-Canadian na si Anthony nang magpakawala ng 22 puntos, siyam na rebounds, limang assists at pitong steals upang giyahan ang 95-90 eskapo ng Batang Pier kontra sa NLEX nito lamang Linggo.

Bunsod nito, naibulsa ng Batang Pier (2-0) ang pinakamaganda nitong season start sa loob ng dalawang taon.

“We know Sean, laban nang laban lang,” ani Jarencio sa 2010 sixth overall draft pick na si Anthony.

“Sixth man nga namin siya pero nag-deliver, nag-double-double. ‘Yung hustle, ‘di tumitigil.”

Hindi naman inako ni Anthony ang pag-angkla sa magandang simula ng Northport bagkus ay pinuri ang buong Batang Pier sa pag-arangkada nila sa 2-0 start.

“It’s not an individual performance. I think the whole team stepped up. That has been the difference for us so far. But moving forward, we just have to continue to do that,” aniya.

Dinaig ni Anthony ang mga kakamping sina rookie Robert Bolick at Mo Tautuaa gayondin sina Jason Perkins, Alex Mallari at Justin Chua para sa linggohang parangal na iginagawad ng mga mamamahayag mula sa diyaryo at online na regular na sumusubaybay sa pinakamatandang pro-league sa Asya.

Tatangka ang Northport (2-0) na mapalawig sa tatlong sunod na tagumpay ang kanilang kampanya kontra sa palabang Columbian (1-0) sa darating na Biyernes sa Ynares Sports Center sa Antipolo City.

ni  John Bryan Ulanday

 

 

 

 

 

About John Bryan Ulanday

Check Also

PSAA Philippine Schools Athletics Association aarangkada na

Philippine Schools Athletics Association aarangkada na

KABUUANG 10 koponan sa pangunguna ng Philippine Christian University -Manila ang sasalang sa opisyal na …

LA Cañizares Tao Yee Tan Padel Pilipinas

Padel Pilipinas, Kampeon sa Pro Mix ng APPT Kuala Lumpur Open

NAGPAMALAS ng husay ang ating mga atleta matapos masungkit nina LA Cañizares at Tao Yee …

Mark Anthony Fernandez Joms Cup Okada Manila Motorsport Carnivale 2025

Jomari nang makulong sa ilegal na pangangarera — That started my advocacy for road safety and to promote legal racers

SHOWBIZ KONEKni Maricris Valdez BATAMBATA pa si Jomari Yllana nang mahiligan ang pangangarera, Gwaping days pa ‘ika niya. Sa …

Ronald Dableo Chess

Dableo, pangalawa sa Sydney standard tournament

NAGTAPOS bilang ikalawa si International Master Ronald Dableo ng Filipinas sa Sydney International Open 2025 …

PNVF-MVP partnership pinagtibay

PNVF-MVP partnership pinagtibay

PORMAL nang ipinahayag ng MVP Group, na pinamumunuan ni chairman at matatag na tagasuporta ng …

Leave a Reply

Your email address will not be published. Required fields are marked *