Friday , July 19 2024
Greg Slaughter Gilas
Greg Slaughter Gilas

Slaughter, ‘di ipinamimigay ng Ginebra

TALIWAS sa mga ugong-ugong, hindi ipinamimigay ng Barangay Ginebra ang higanteng sentro na sa Greg Slaughter.

Iyan ay ayon mismo kay head coach Tim Cone na itinanggi ang trade rumors na bumabalot sa kanyang pambatong 7’0 big man matapos matanggal sa trono ang Gin Kings sa katatapos na 2018 PBA Governors’ Cup.

Ayon kay Cone, katawa-tawa at ingay lamang ang mga naturang usap-usapan sa naturang trade kay Slaughter dahil wala aniya ito sa plano ng koponan.

Sigurado ang posisyon sa Ginebra ni Slaughter, ayon kay Cone, lalo’t isa siya sa pangunahing piyesa ng Gin Kings upang makabalik sa tuktok ng PBA lalo sa paparating na Governors’ Cup na dalawang beses silang nagkampeon bago masibak ng Magnolia noong 2018.

Para kay Slaughter, bagamat pinangakuan nga siya ni Cone na ‘wag ituon ang atensiyon sa mga walang katotohanang trade rumors, handa siya dahil trabaho nila ang maging professional basketball player.

Ngunit sa kabila ng lahat ng posibilidad, puspusan ang lalong pagpapalakas ni Cone upang lalong mapatunayan sa lahat na siya pa rin ang magilas na higante ng Barangay.

Dahil sa dagdag niyang personal training sa ilalim ng Ginebra assistant coach na si Kirk Collier bukod sa pagsasanay ng Gin Kings, kaa­gad na napagsiklab si Slaughter kamakalawa.

Nagposte si Slaughter ng 15 puntos upang pangunahan ang Gin Kings sa 84-81 panalo kontra sa Magnolia sa isang tune up game, dalawang linggo bago ang pag-arangkada ng 2019 PBA Governors’ Cup sa 20 Setyembre, na hahangad ang koponan na makuha ulit ang trono. (JOHN BRYAN ULANDAY)

 

About John Bryan Ulanday

Check Also

National University NU Lady Bulldogs SSL National Invitationals

NU Kampeon sa SSL National Invitationals

IGINAWAD nina Philippine Sports Commission (PSC) Commissioner Fritz Gaston at Vicente Gregorio President/CEO ng Shakey’s …

PBA draft 2024 Justine Baltazar

Justin Baltazar, no.1 pick sa PBA Season 49 Draft

PINILI ng Converge Fiberxers team si Justine Baltazar, 27 anyos, 6-foot-9 UAAP Champion noong 2016, …

Shakey’s Super League National Invitational inilunsad

Shakey’s Super League National Invitational inilunsad

INIHAYAG ni Vicente L. Gregorio, Shakey’s Pizza Asia Ventures Inc. (SPAVI) President/CEO (may mikropono) ang …

Tristan Jared Cervero Chess

Cervero naghari sa Marikina chess tournament

Marikina City — Naghari si Tristan Jared Cervero, isa sa mga nangungunang manlalaro ng Ateneo …

Jan Emmanuel Garcia Xiangqi

ADMU chess team program Head Jan Emmanuel Garcia nanatili sa tuktok ng liderato

Standing After Round 3: (Group B)3.0 points — Jan Emmanuel Garcia, Wang Sing, Cai Jiu …

Leave a Reply

Your email address will not be published. Required fields are marked *